ပစ္စုပ္ပန်ႏ ဗျက္ဃပဇ္ဇတရာꩻလစ်ꩻပါꩻ

စတ္တာရော ဗျက္ဃပဇ္ဇဓမ္မာ ကုလပုတ္တဿ ဒိဋ္ဌဓမ္မဟိတာယ သံဝတ္တန္တိ ဒိဋ္ဌဓမ္မသုခါယ။ ကတမေ စတ္တာရော၊ ဥဋ္ဌာနသမ္ပဒါ အာရက္ခသမ္ပဒါ ကလျာဏမိတ္တတာ သမဇီဝိတာ။ (အံ၊ တ၊ ၁၀၇)

သံပေါက်လင်္ကာႏ

1. ကုဲင်း - ရုဲင်း - သꩻဆွာꩻ၊ ခွုမ်လွုပ်ꩻမာꩻ၊ ထေခါꩻသွော့ရဲင်ꩻအာႏ။

2. ဥစ္စာႏတွမ်ႏရွဉ်၊ ကလꩻလွဉ်၊ စုရွမ် ဟောဝ်ဟောဝ်ဗာႏ။

3. လိုႏကွိုꩻမုဲင်ꩻခါ၊ ကွိုꩻယံထွာ၊ သွꩻအာ ထွုမ်ႏခါꩻဗာႏ။

4. လꩻသွူရွဉ်ဗွာ၊ မဉ်ႏစုဲင်ႏခါ၊ ဆွောတာ ဆေ့ꩻရေးဗာႏ။

ဥဋ္ဌာနသမ္ပဒါ

စတဿော ဟိ ဗောဓိသမ္ဘာရေသု ဘာဝနာ သဗ္ဗသမ္ဘာဘာဝနာ, နိရန္တရဘာဝနာ, စိရကာလဘာဝနာ, သက္ကစ္စဘာဝနာ။ (စရိယာပိဋက၊ ဋ္ဌ၊ နိဒါနကထာ)

1. ပဲစ်ကင်ꩻ ထာꩻမာꩻ၊ သꩻဆွာꩻဆွာꩻ၊ ခွုမ်မာꩻလို့လို့ဗာႏ။

2. အွဉ်ႏဆွိုးဖိုတဝ်း၊ အွဉ်ႏရံꩻတောဝ်း၊ လွꩻတောဝ်း ကုဲင်းသေႏဗာႏ။

3. လွုပ်ꩻမာꩻညည၊ ဖြꩻစာည၊ ယံကျသေႏသေႏဗာႏ။

4. လွုပ်ꩻမာꩻဖြေꩻစာ၊ အွဉ်ႏရေꩻပါ၊ သꩻပါꩻသေႏသေႏဗာႏ။

အာရက္ခသမ္ပဒါ

အဉ္ဇနာနံ ခယံ ဒိတွာ၊ ဝမ္မိကာနဉ္စ သဉ္စယံ။

မဓူနဉ္စ သမာဟာရံ၊ ပဏ္ဍိတော ဃရမာဝသေ။ (ဒီ၊ ဋ္ဌ၊ ၁၊ ၃၁၇)

1. တသီႏမဲ့ဒျာႏ၊ မဲ့ရောဂါႏ၊ သော့ꩻဗာႏ စွုမ်ႏနီꩻသွူ။

2. တသီႏကွဲယွမ်ꩻ၊ ရောဂါႏယွမ်ꩻ၊ ဝွေꩻလွုမ်ꩻလာꩻဖေႏသွူ။

3. ဖီးအွာတယ်ႏဖြုံႏ၊ ဟံႏအေႏဖုံႏ၊ အပြုံႏ တန်ငါႏသွူ။

4. ကတယ်ႏစတွင်ꩻ၊ ဟံႏအေႏရင်ꩻ၊ ဆေ့ꩻရင်ꩻ အာတောဝ်းသွူ။

5. တမူရွမ်ရဲမ်၊ အထီပဲဉ်၊ စုထဲမ် စွုမ်ႏနီꩻသွူ။

6. မွူးနိꩻစွိုင်ႏအာ၊ အပဲဉ်ခါ၊ ထီအာ မွေးစွဉ်ႏသွူ။

7. တသီႏမဲ့ထွုံꩻ၊ ဖိးအွာထွုံꩻ၊ အထွုံꩻ နုဲင်းတမူ။

8. အထွုံꩻသွံဗာႏ၊ သွုံꩻမဉ်ႏဒါႏ၊ ထွာဗာႏ လိုꩻယံသွူ။

ကလျာဏမိတ္တတာ

ဥက္ကဋ္ဌေ သူရမိစ္ဆန္နတိ၊ မန္တီသု အကုတူဟလံ။

ပိယဉ္စ အန္နပါနမှိ၊ အတ္ထေ ဇာတေ စ ပဏ္ဍိတံ။

1. စဲ့ပွယ်ꩻကိုခါႏ၊ တွိုက်ꩻခꩻတာႏ၊ လိုႏငါႏ သွꩻရုဲင်းသွူ။

2. တွိုင်ႏပင်ႏခရာႏ၊ ငေါဝ်းဗဉ်ႏတာႏ၊ လိုႏငါႏ သွꩻဟောဝ်သွူ။

3. ယပ်ꩻခုဲင်ႏပျဿနာႏ၊ ဖြေႏသျင်ꩻတာႏ၊ လိုႏငါႏ သွꩻဒါႏသွူ။

4. သွရုဲင်းသွꩻဒါႏ၊ သွꩻဟောဝ်တာႏ၊ လိုႏငါႏ လွူႏအွီႏသွူ။

အသေဝနာ စ ဗာလာနံ၊ ပဏ္ဍိတာနဉ္စ သေဝနာ။

ပူဇာစ ပူဇနေယျာနံ၊ ဧတံ မင်္ဂလမုတ္တမံ။

1. ထာꩻမာꩻကုဲင်သျောင်ႏ၊ လိုꩻကုဲင်သျောင်ႏ၊ ထွာစွဉ်ႏ မင်္ဂလာႏ။

2. လိုꩻယံ လိုꩻစွဉ်ႏ၊ ကွိုက်ꩻမဲဉ်ႏမဲဉ်ႏ၊ ထွာစွဉ်ႏ မင်္ဂလာႏ။

ထွာမင်္ဂလာႏ အကျိုꩻတရာꩻ

ဧတာဒိသာနိ ကတွာန၊ သဗ္ဗတ္ထ မပရာဇိတာ။

သဗ္ဗတ္ထ သောတ္ထိံ ဂစ္ဆန္တိ၊ တံ တေသံ မင်္ဂလမုတ္တမံ။

1. ကတွိုႏလွေꩻဒါႏ၊ ဒုံရပ်ရာႏ၊ ရန်ႏဒျာႏ အီႏကင်ꩻညာꩻ။

2. ကတွိုႏလွေꩻဒါႏ၊ ဒုံရပ်ရာႏ၊ ချံꩻသာႏ လꩻယိုꩻမာꩻ။

သမဇီဝိတာ

စတုဓာ ဝိဘဇေ ဘောဂေ၊ ပဏ္ဍိတော ဃရမာဝသံ။

ဧကေန ဘောဂေ ဘုဉ္စေယျ၊ ဒွီဟိ ကမ္မံ ပယောဇယေ။

စတုတ္ထဉ္စ နိဓာပေယျ၊ အာပဒါသု ဘဝိဿတိ။ (ဒီ၊ ဋ္ဌ၊ ၁၊ ၂၀၇)

1. ကလꩻလွဉ်ဒါႏ၊ ရွဉ်ဥစ္စာႏ၊ အွဉ်ႏဗာႏႏ လစ်ꩻပြုံႏသွူ။

2. တပြုံႏနောဝ်ꩻဒျာႏ၊ အံႏအွꩻတာႏ၊ စုဲင်ႏဗာႏ ဆေ့ရေးသွူ။

3. နီပြုံႏအွဉ်ႏဗာႏ၊ နီꩻရင်ꩻတာႏ၊ ထွာဒျာႏ လွုပ်ꩻအီသွူ။

4. အရေꩻပေါႏဒျာႏ၊ သွုံꩻအီတာႏ၊ အွဉ်ႏဗာႏ တပြုံႏသွူ။

ဒိဋ္ဌဓမ္မဟိတာယ သံဝတ္တန္တိ၊ ဒိဋ္ဌဓမ္မသုခါယ။

1. ယိုလစ်ꩻပါꩻဒျာႏ၊ မဉ်ႏလွောက်ꩻနာႏ၊ ချံꩻသာႏဗာႏအမန်ႏ။

2. တိုꩻတက်ထင်ႏသျာꩻ၊ အီႏထူꩻချာꩻ ဘုရာꩻ အာႏမခံႏ။