ကေသမုတ္တိသုတ္တန်ႏတရာꩻတောႏ

ကေသမုတ္တိသုတ္တန်ႏပေါႏလွဉ်ဗာႏအခရာႏ

ကာလာမသုတ်နေးနဝ်ꩻတဲ့ ဟဲ့ꩻဒျာႏ။ ကေသမုတ္တိသုတ်နေးနဝ်ꩻတဲ့ ဟဲ့ꩻဒျာႏ။ ဒုံမဉ်ꩻနဝ်ꩻတဲတဲ့ ကာလာမဒုံ။ ဒုံနဝ်ꩻနဝ်ꩻ လဲဉ်းတဖူꩻဆွိုမ်ႏရိုꩻနဝ်ꩻက။ ခမ်းသွံဖြုံႏအခါႏလယ်ႏ ဟိန္ဒူဖုံႏ၊ ဗြဟ္မဏဖုံႏ၊ ဂွိုဏ်ႏဆရာႏဖုံႏနဝ်ꩻသနဲ့ꩻ။ အွိုးနဝ်ꩻတဲ့ လွဉ်ဟော်ꩻ၊ အွိုးနဝ်ꩻတဲ့ လွဉ်ဟော်ꩻ အရိုꩻဝွေꩻသီးဂွိုဏ်ꩻနဝ်ꩻ ကျ။ အွိုးနဝ်ꩻတဲ့လွဉ်ဟော်ꩻ ဝွေꩻသီးဂွိုဏ်ꩻနဝ်ꩻကျ။ ကောဟော်ꩻသား စွိုင်ႏအာငါႏလွဉ်ꩻတွော့ꩻ ကွင်။ ဆရာများ သားသေ။ ဆရာႏစွိုင်ႏအာတွော့ꩻ ကွင်။ အီႏလွောက်ꩻနာႏဗာႏမုဲင်ꩻ၊ အီႏနွို့ဗာႏဂွိုဏ်ꩻမုဲင်ꩻသူႏသေဒွုမ်။ နဝ်ꩻတွေ့ာꩻ ဘုရာꩻလွေꩻ ဘုရာꩻကျွꩻလွေꩻ  နဝ်ꩻကို အလွဉ်ဝုဲင်ႏဘုရာꩻ။ အလွဉ်လဝ်း နီသွဉ်းသီးယိုနဝ်ꩻဗွေႏ လဲဉ်းဝင်ꩻအခါႏကိုတဲင်တွော့ꩻ အွိုးနဝ်ꩻလွဉ် အွိုးနဝ်ꩻလွဉ် ဂွိုဏ်ꩻဆရာႏဖုံႏဖျော်အာမွေးထာꩻ အွိုးနဝ်ꩻလွဉ်ဟော်ꩻ၊ အွိုးနဝ်ꩻလွဉ်ဟော်ꩻ ဝွေꩻသီးဂွိုဏ်ꩻနဝ်ꩻ ရိုꩻဒျာႏဝွေꩻသီး အကျကွေႏကွေႏ။ နာႏ ဝွေꩻသီးကဒေါ့ꩻ ကဟော်ꩻဒါႏအဂွိုဏ်ꩻနဝ်ꩻ အညံးတအဲဉ်ထောဝ်း။ နဝ်ꩻမꩻ နီသွဉ်းသီး အီႏနာႏဗာႏဂွိုဏ်ꩻမုဲင်ꩻ၊ အီႏနွို့ဗာႏဂွိုဏ်ꩻမုဲင်ꩻ၊ အီႏလွောက်ꩻဗာႏတမုဲင်ꩻငေါဝ်း အမဲဉ်ႏအမာႏနဝ်ꩻ နီသွဉ်းသီးခွယ်ꩻ တဒါႏတဝ်း။ ခွယ်ꩻဖေႏနေးကဒါႏ မာꩻနေးမွိုင်ꩻဗွေႏ။ နဝ်ꩻမꩻ ဘုရာꩻဟော်ꩻငေါဝ်းယို အငွါတဆီ-

မာ အနုဿဝေန-တဲ့

• ငေါဝ်းတရန်းဒျာႏ၊ မဉ်ႏဟွိုန်ဗာႏ၊ မဲဉ်ႏငါႏ ထင်းမွိုန်းနော။

ငေါဝ်းတရန်း, တဆင့်စကား ဟွိုန်ဝင်ꩻဒေါ့ꩻ၊ ဟွိုန်ဝင်ꩻဟော်ꩻ၊ အရိုꩻနုဲင်းယိုတဲ့၊ နုဲင်းယိုတဲ့ နဝ်ꩻနဝ်ꩻ ငေါဝ်းတရန်း၊ တဆင့်စကား။ ပါꩻအွိုးသူꩻ ရိုနုဲင်းယိုတဲ့ နေးနဝ်ꩻစားနဝ်ꩻ မဲဉ်ႏငါႏ တွမ်ႏထင်းမွန်း။ နဝ်ꩻမꩻ-

• ငေါဝ်းတရန်းဒျာႏ၊ မဉ်ႏဟွိုန်ဗာႏ၊ မဲဉ်ႏငါႏ ထင်းမွိုန်းနော။ နဝ်ꩻတငွါ
• နမ်းမထီးဗာႏ၊ ဝင်ꩻဒေါ့ꩻဒျာႏ၊ ဟဲ့ꩻဗာႏ တရန်းနော။

နမ်းကိုႏတဲင်ႏ ထီႏတမွေးတဝ်း ဟွိုန်ဒျာႏကွို့ꩻဝင်ꩻဒေါ့ꩻ၊ နမ်းကိုႏတဲင်ႏတသေတဝ်း ဟွိုန်ဒျာႏကွို့ꩻ နဝ်ꩻစားနဝ်ꩻ ဟဲ့ꩻတဆင့်စကား၊ ငေါဝ်းတရန်း။

• ဂျာနယ်ကိုပါ၊ လိတ်ကိုပါ၊ ငေါဝ်းထွာ တရန်းနော။

ဂျာနယ်ကိုပါတဲမ်း နေးနဝ်ꩻစားဖုံႏနဝ်ꩻတဲ့ နမ်းကိုႏတဲင်ႏထီႏ၊ နမ်းကိုႏတဲင်ႏအားထုတ်တမွေးတဝ်း၊ နမ်းကိုႏတဲင်ႏမာꩻတွော့ꩻ ဟွိုန်တမွေးတဝ်း၊ လက်တွေ့တမွေးတဝ်း၊ နမ်းမော့ꩻတမွေးတဝ်း လိတ်ကိုပါအတွိုင်ꩻ၊ ဂျာနယ်ကိုကပါအတွိုင်ꩻ နေးနဝ်ꩻစားနဝ်ꩻ ဟဲ့ꩻတရန်း။ တဆင့်စကား။

• ငေါဝ်းတရန်းဒျာႏ၊ မဉ်ႏယွုမ်းငါႏ၊ မော့ꩻဒါႏ လိုꩻလဲဉ်နော။

တဆင့်စကား ငေါဝ်းတရန်း မဉ်ႏယွုမ်းငါႏနဝ်ꩻ တနꩻဒါႏလိုꩻလိဉ်ႏလိုꩻလဲဉ်။ ကောပ်ပွိုးနဝ်ꩻမꩻ ဝင်ꩻကရိုꩻနုဲင်းယို, နုဲင်းနဝ်ꩻ တဆင့်စကားဖုံႏနဝ်ꩻ ယွုမ်းကြို့ꩻမွိုန်း။ နဝ်ꩻနဝ်ꩻ ထွာ အနုဿဝေန အဓိပ္ပါယ်ႏ။

မာ ပရမ္ပရာယ

• ထွုံꩻလီꩻယဒျာႏ၊ လက်ခံႏဗာႏ၊ မဲဉ်ႏငါႏ ထင်းမွုန်းနော။

အထွုံꩻယတွော့ꩻ နီလက်ခံႏဗာႏ နဝ်ꩻစားနဝ်ꩻ မဲဉ်ႏငါႏတွမ်ႏထင်းမွိုန်း။

• တပန်ꩻလောင်းဒျာႏ၊ လိုꩻမူႏမာႏ၊ ထင်ႏဒါႏတောဝ်းကွေးနော။
• ဘုရာꩻကိုခါႏ၊ လိုꩻမူႏမာႏ၊ ထင်ႏဒါႏတောဝ်းကွေးနော။
• ကရဲဆီꩻဗာႏ၊ လိုꩻမူႏတာႏ၊ ထွာဒျာႏ ထွုံꩻလီꩻနော။

တပန်ꩻလောင်းယို လိုꩻမူႏထင်ႏဒါႏတဝ်း၊ ဘုရာꩻခါႏကို လိုꩻမူႏလွေꩻဒါႏတဝ်း နေးနဝ်ꩻစားဖုံႏနဝ်ꩻ ဘုရာꩻဟော်ꩻတမွေးတဝ်း။ ထွာဒျာႏအထွုံꩻလီꩻ အထွုံꩻယ။

• ကရဲဆီꩻဗာႏ၊ လိုꩻမူႏတာႏ၊ ထွာဒျာႏ ထွုံꩻလီꩻနော။

ကရဲဆီꩻနေးနဝ်ꩻစားနဝ်ꩻ ထွုံꩻစံႏစခါ ဓလေ့တန်ဒျာႏတဲ့။ ကထင်ႏဒါႏခိင်ႏတဲ့ အဝ်ႏနဝ်ꩻသနဲ့။ ကထင်ႏဒါႏခိင်ႏနဝ်ꩻ အဝ်ႏတမုဲင်ꩻ။

• တပန်ꩻလောင်းဒျာႏ၊ လူႏလောင်ꩻတာႏ၊ ထင်ႏဒါႏ ခေတ်ထွုံꩻနော။

ဥပမာႏ ဗွန်ဖြားအဝ်ႏတပန်ꩻလောင်း အဝ်ႏလိုႏကပ်ဒဲဉ်သွမ်ꩻဖုံႏ၊ အိုသွမ်ꩻဖုံႏ မဉ်ႏလူႏ၊ မဉ်ႏကပ်ဒျာႏနဝ်ꩻ ထင်ႏဒါႏဒျာႏ၊ ကပ်ဒါႏဒျာႏ။

ဒါႏတဝ်းကရိုꩻနဝ်ꩻ- ပွုံႏစံႏစခါ ယဟန်ႏသိမ်ႏကိုဖုံႏနဝ်ꩻ လိုꩻမူႏနွို့ဒါႏတဝ်းတဲ့။ ပေါႏနွို့တဒါႏတဝ်းခိင်ႏနဝ်ꩻ အဝ်ႏမျောက်ရဟန်ꩻခိင်ႏနဝ်ꩻသနဲ့။ မျောက်ရဟန်ꩻခိင်ႏနဝ်ꩻ သံဃာႏဟတ္ထပါသ်ကိုနဝ်ꩻ အဝ်ႏဗာႏရဟန်ꩻလွုမ်ꩻက ကမျောက်ရဟန်ꩻခိင်ႏ၊ ကမာꩻကံႏပေႏကံတန်ခိင်ႏဖုံႏနဝ်ꩻတဲတဲ့ အဝ်ႏဗာႏရဟန်ꩻလွုမ်ꩻ လိုꩻမူႏတွမ်ႏရိုꩻမွိုန်း လိုꩻလမ်းလိုꩻခိုတဲ့ လွေꩻတလꩻတဝ်း၊ ဗွေႏသျင်ႏတဲ့ လွေꩻတလꩻတဝ်း နဝ်ꩻတဲတဲ့ မဲဉ်ႏ။

ကွဲတွော့ꩻ သိမ်ႏအဝ်ႏခြိန်ခိင်ႏ၊ သိမ်ႏကိုလိုꩻကျောင်ꩻတအဲဉ်ထောဝ်း အဝ်ႏလိုႏလွေꩻဖွစ်ꩻထာꩻအီႏဖုံႏ၊ အဝ်ႏလိုႏလွေꩻပြွတ်ကဝ်ႏဖုံႏ နဝ်ꩻစားတဲတဲ့ အဝ်ႏလꩻဒျာႏ။

လွေꩻတလꩻတဝ်းနဝ်ꩻ ကွပ်ပွိုးတမုဲင်ꩻ ပွိုင်းလဲဉ်ႏဗွန်ဖြားတပါꩻတဲ့ ကိဉ်ꩻသိမ်ႏကို တကာႏမဖုံႏ မဉ်ႏနွို့လွဉ်သိမ်ႏကိုနဝ်ꩻ ရောင်ငါႏထာꩻတဲ့။ တကာႏမဖုံႏရောင်ငါႏထာꩻတဲင်တွော့ꩻ အတေက်နား ထန်ႏဟုဲင်း၊ ထန်ႏဟုဲင်း သိမ်ႏကို လိုꩻမူႏနွို့ဒါႏတဝ်း မိဉ်းနေးနဝ်ꩻစား။ တယ်ႏနဝ်ꩻမာꩻငါ သိမ်ႏကို လိုꩻမူႏနွို့ဒါႏတဝ်း ထွာထိုꩻနေးနဝ်ꩻ။ အွိုနဝ်ꩻ မာ ပရမ္ပရာယ။

မာ ဣတိ ကိရာယ

• ဟွိုန်ဝင်ꩻဒေါ့ꩻဒျာႏ၊ ဒေါ့ꩻနုဲင်းဗာႏ၊ မဲဉ်ႏငါႏ ထင်းမွိုန်းနော။
• ဝင်ꩻအွဉ်ႏကျောႏဒျာႏ၊ လယ်ႏဒေါ့ꩻဒျာႏ၊ မဲဉ်ႏငါႏ ထင်းမွိုန်းနော။

နဝ်ꩻမꩻ မာ ဣတိ ကိရာယ- ဟွိုန်ဝင်ꩻဒေါ့ꩻဒျာႏ၊ ဒေါ့ꩻနုဲင်းဗာႏ၊ မဉ်ႏငါႏ ထင်းမွိုန်းနော။

ဟွိုန်ကွို့ꩻဝင်ꩻဒေါ့ꩻ ဒေါ့ꩻနုဲင်းနဝ်ꩻ နောႏ။ နီသွဉ်းသီးဒုံ ပွိုင်းလဲင်ႏ ကောင်လွယ်ပွတ်ꩻ၊ ကောင်လေဖြီ၊ သုဲင်ꩻခဝ်၊ ကောင်လွယ်မော်ꩻနဝ်ꩻ ငေါဝ်းခြုဲင်းအဝ်ႏ။ ပွိုင်းလဲင်ႏ ကောင်လေဖြီနဝ်ꩻ မဲဖြဲတဲ့။ နဝ်ꩻမꩻ ကောင်လွယ်မော်ꩻနဝ်ꩻ မဉ်ဖေႏပဲစ် ကောင်လေဖြီ။ မဉ်ခꩻတွမ်ႏခြီႏရိုꩻနဝ်ꩻက။ နဝ်ꩻတွော့ꩻ အခါႏလယ်ႏကိုနဝ်ꩻ ကောင်ထိုသမ်းအဝ်ႏ။ ကောင်ထိုနဝ်ꩻ အဆုဲင်ꩻတနီꩻခါ ထွာထိုꩻကောင်လွယ်ပွတ်ꩻ။ ခါးလားကတပွတ်ꩻနဝ်ꩻ ကောင်ထိုတန်ꩻ။ ကောင်လွယ်မော်ꩻ အီႏခꩻလင်ꩻကောင်လေဖြီ တွမ်ႏခြီႏတွော့ꩻ အခါႏလယ်ႏကို ကောင်ထိုသမ်းအဝ်ႏ ဒေါ့ꩻတဲ့ မက်ꩻ ငေါက်ꩻနာꩻကတူႏဟုဲင်း။ ကောင်နဝ်ꩻ ငေါက်ꩻနဝ်ꩻအဝ်ႏငေါက်ꩻဒျာႏတွော့ꩻ အပေါင်းနောက်ကျထိုꩻ ခြီႏဗာႏထိုꩻတကွို့ꩻတွေ့ာꩻ အသွူꩻတွို့ꩻလင်ꩻတွေ့ာꩻ လုံးဖုံႏ၊ သုဲင်ꩻဖုံႏ လင်ꩻအဝ်ႏပြုံႏ။ နဝ်ꩻနဝ်ꩻ မဉ်ꩻတွင်ႏတငါ သုဲင်ꩻခဝ်။ လွယ်ပွတ်ꩻနဝ်ꩻ ကောင်တပွတ်ꩻထိုꩻတွော့ꩻ အမဉ်ꩻတွင်ႏတငါထိုꩻ လွယ်ပွတ်ꩻ။ နဝ်ꩻနဝ်ꩻမုဲင်ꩻခါအီႏ လိုꩻဖြားခြုဲင်းဒျားကွို့ꩻ။ နဝ်ꩻစားနဝ်ꩻ မာ ဣတိ ကိရာယ။

ငေါဝ်းမဲဉ်ႏတမွေးတဝ်း နေးနဝ်ꩻစားဖုံႏနဝ်ꩻ ပုံပျင်(ပုံပြင်) ခြုဲင်းနယ်ဖေႏဒျာႏကွို့ꩻ လိုꩻပေႏ။ ပါꩻကရိုꩻ အိပ်ရာဝင်ပုံပျင်(ပုံပြင်) လိုꩻပေႏမဲ့ဖေႏဖေႏကဗိဉ်ႏမွိုန်မွိုန်တွော့ꩻ ခြုဲင်းနယ်ဖေႏလိုꩻပေႏ။ သွဉ်အီလိုꩻပေႏ၊ ဆွုံꩻမꩻအီလိုꩻပေႏ။ အွိုနဝ်ꩻနဝ်ꩻ နေးနဝ်ꩻစားဖုံႏနဝ်ꩻ ပေါႏရီတဲ့ ရီဗွော့ꩻလိုꩻဖြားနဝ်ꩻ။ ငေါဝ်းယို တကာႏလုံဖြား ဟွိုန်မုဲင်ꩻကိုအီႏ နီတဲ့လိုꩻဖြားဒေါ့ꩻနယ်ဒျာႏကွို့ꩻ။ မဉ်ႏရီယင်း အဖြားကယ်ꩻဝွေꩻသီးတဲ့ နီနဝ်ꩻလိုꩻဖြားဒေါ့ꩻဒျာႏကွို့ꩻ၊ ဟွိုန်ဒျာႏကွို့ꩻ ဝင်ꩻဒေါ့ꩻ။ ပုံပျင်(ပုံပြင်)နေးနဝ်ꩻစားဖုံႏနဝ်ꩻ အမဲဉ်ႏတမွေးတဝ်း။

• ဝင်ꩻအွဉ်ႏကျောႏဒျာႏ၊ လယ်ႏဒေါ့ꩻဒျာႏ၊ မဲဉ်ႏငါႏထင်းမွိုန်းနော။

ယဟန်ႏနဝ်ꩻ ဝင်ꩻအွဉ်ႏကျောႏ၊ ဝင်ꩻလယ်ႏဒေါ့ꩻ။ နဝ် ပွိုင်းလဲင်ႏ ဖိုးပတ်ꩻကရိုꩻနဝ်ꩻ ဝင်ꩻအွဉ်ႏကျောႏ ဖိုးပတ်ꩻ။ ကွဲညည လွေꩻငါခြံငါတဲ့ တဗွုမ်ႏတဝ်းဒွုမ်။ ကွဲညည ထာꩻလွုပ်ꩻကုဲင်၊ ထာꩻမာꩻကုဲင် အွိုနေးနဝ်ꩻစားဖုံႏ။ မဲဉ်ႏငါႏတွမ်ႏထင်းမွိုန်း။

• ယွုမ်းတမွိုꩻအာ၊ လွေꩻလွဉ်ꩻအာ၊ လွစ်အာ ထာꩻမာꩻနော။

ပါꩻဒေါ့ꩻတွိုင်ꩻတဲ့ယွုမ်း။ ဒေါ့ꩻအွိုးယို၊ ဒေါ့ꩻအွိုးနဝ်ꩻတဲ့လွေ။ ကျောႏအွိုးယို၊ ကျောႏအွိုးနဝ်ꩻတဲ့လွေꩻ နဝ်ꩻနဝ်ꩻ မဉ်ႏလွေꩻအာငါႏတဲ့ ထာꩻမာꩻလွစ်၊ ထာꩻမာꩻလွတ်။ ပေါႏထာꩻမာꩻလွတ်တဲ့ ထာꩻမာꩻကုဲင်ထိုꩻနဝ်ꩻသနဲ့။ အဝ်ႏလိုꩻလꩻရွဉ်တဲ့ လꩻဗာႏဒွုမ်။

• အခိင်ႏလို့အာ၊ ရွဉ်လို့အာ၊ မော့ꩻအာ ငေါဝ်းသဲ့ꩻနော။

ပအိုဝ်ႏငေါဝ်းအဝ်ႏနဝ်ꩻ ဆန်ꩻအွိုးမုဲင်ꩻတဲ့လောႏ၊ ကျောႏအွိုးမုဲင်ꩻတဲ့ ဟွံ။ ထွားဗွော့ꩻနေင်ႏဟာ ဘုရာꩻတနျာႏအွိုးတောင်ႏနီႏထျꩻ နီပအိုဝ်ႏဖုံႏအွဉ်ႏကျောႏတွော့ꩻ ခွေလွေꩻ၊ နာꩻလွေꩻ။ တယ်ႏဘုရာꩻမဉ်ႏထွူနဝ်ꩻ ခမ်းထီညိမ်ꩻတဲ့။ တယ်ႏဘုရာꩻထွူညတဝ်း ပါꩻဝါးထန်ႏကြောင်း။ ခမ်းထီညိမ်ꩻ ညိမ်ꩻတဝ်းတဲ့သေဝ်း ပအိုဝ်ႏအုံနဝ်ꩻကို ညတဝ်းတဲ့ ပါꩻဝါးထန်ႏ။ အွိုနေးနဝ်ꩻစားဖုံႏ။ ဆန်ꩻအွိုးမုဲင်ꩻတဲ့ လောႏ၊ ကျောႏအွိုးမုဲင်ꩻတဲ့ ဟွံ။ နေးနဝ်ꩻစားနဝ်ꩻ တွမ်ႏမာꩻမွိုန်း။ လွေꩻနုဲင်းမွိုန်း။ နဝ်ꩻနဝ်ꩻ မာ ဣတိ ကိရာယ။ ပေါႏလွေꩻအာတဲ့ ထွာတမုဲင်ꩻ ထာꩻမာꩻလွစ်ခြိန်နဝ်ꩻသနဲ့။

အခိင်ႏလို့အာ၊ ရွဉ်လို့အာပါ ငေါဝ်းသဲ့ꩻသွမ်ꩻတဲ့မော့ꩻ။

မာ ပိဋကသမ္ပဒါနေန

ပိဋကရိုꩻဒါႏအိန္ဒိယငေါဝ်း နီသွဉ်းသီးပိဋကသွံပွုံႏတမွေးတဝ်း။ ပိဋကပွိုင်းလဲင်ႏ အိန္ဒိယငေါဝ်းနဝ်ꩻ ချင်ႏရွောင်၊ ခြင်းတောင်းတဲ့ ချင်ႏနဝ်ꩻသနဲ့။ မဉ်ႏပြန်ႏပအိုဝ်ႏနဝ်ꩻ ခြောင်းတဲ့ ပိဋက။ ပိဋကနဝ်ꩻ ခြောင်း။ ဝွေꩻသီးနဝ်ꩻ လိတ်နဝ်ꩻ ဟဲ့ꩻပိဋက။ ပိဋကသွံဖွုံႏဘုရာꩻဟော်ꩻနေးနဝ်ꩻတမွေးတဝ်း။ နီသွဉ်းသီးနုဲင်ႏငံႏကိုယို ပေါႏရိုꩻပိဋကနဝ်ꩻ ဘုရာꩻဟော်ꩻနဝ်ꩻသနဲ့။ ပိဋကနဝ်ꩻ ဘုရာꩻဟော်ꩻ။ လိုꩻပရီႏပရာꩻတဲမ်းတမွေးတဝ်း။ ဘုရာꩻဟော်ꩻ ယွုမ်းထွိုက် ယွုမ်းသင်ꩻ။ ကွဲတွော့ꩻ အိန္ဒိယကဟဲ့ꩻနဝ်ꩻ ပိဋကကရိုꩻနဝ်ꩻ ခြောင်း။ ခြောင်းသီးအမျိုꩻနဝ်ꩻ တေားအီတခြိုꩻ။ ပွိင်းလဲင်ႏ အိန္ဒိယတောဟံႏတဲ့ ပေါႏမာꩻအဆောက်အဦးဖုံႏ၊ တထာဖုံႏ၊ တောထိုꩻဟမ်ႏ လိုꩻနဝ်ꩻရဲဉ်ႏလို့ဝင်ꩻတဲင်တွော့ꩻ ဟံႏဖွံႏနဝ်ꩻ သော့ꩻခြောင်း၊ ဟံႏနဝ်ꩻသော့ꩻခြောင်း ဖေႏယောင်းငါငါ ဖေႏယောင်းငါငါ လွေꩻထောက်နဝ်ꩻသနဲ့ꩻ၊ ပဉ်ထောက်ထောက်နဝ်ꩻသနဲ့။ အွိုးနီသွဉ်းသီးယိုကို ကဖေႏယောင်းလို့ဝင်ꩻအွတ်ꩻပြုံႏဖုံႏနဝ်ꩻ၊ ကဖေႏယောင်းလို့ဝင်ꩻ သုဲင်ꩻဖုံႏနဝ်ꩻ သော့ꩻနေးခြောင်း၊ သော့ꩻနေးဒယ်၊ သော့ꩻနေးဗုံꩻ အွို ဖေႏယောင်းနဝ်ꩻမꩻ လိတ်ကရိုꩻနဝ်ꩻတဲ့ လိုꩻဖြားစခါ ဗꩻလွဉ်နီသွဉ်းသီးစိုးနဝ်ꩻသနဲ့။ ဗꩻလွဉ်နီသွဉ်းသီးစိုးတွော့ꩻ ဝွေꩻသီးကထွင်ႏသေꩻခါꩻလိတ်ဖုံႏနဝ်ꩻ သွဉ်ငါငါ၊ သွဉ်ငါငါ သွဉ်ဖေႏအပို၊ အဝ်ႏလိုꩻဖြားသွဉ်ဖေႏအပို၊ အဝ်ႏအပို သွဉ်ဖေႏအလီꩻ၊ အဝ်ႏအလီꩻ သွဉ်ဖေႏအလင်ꩻ လိတ်နဝ်ꩻ စွစ်ꩻငါငါ၊ စွစ်ꩻငါငါ ဗွဉ်နုဲင်း ပါꩻကတောဟံႏနဝ်ꩻသနဲ့။ နေးနဝ်ꩻစားနဝ်ꩻ ဝွေꩻသီးဟဲ့ꩻ လိတ်။ သောင်ႏငါငါ၊ သောင်ႏငါငါ၊ အထွုံꩻအွဉ်ႏငါငါ၊ အွဉ်ႏငါငါ ပိဋကဟဲ့ ပိဋကခြောင်း။

• အိန္ဒိယဒျာႏ၊ ငေါဝ်းဟဲ့ꩻကွာႏ၊ မတ်ဗာႏစွမ်ႏဖြာနော။
• လိတ်အုပ်မှန်ႏသမျ၊ ပိဋက၊ ဟဲ့ꩻလွနုဲင်းနဝ်ꩻနော။

နဝ်ꩻနဝ်ꩻ အိန္ဒိယထွုံꩻစံႏနဝ်ꩻ လိတ်အုပ်လိတ်စောင်ႏမန်ႏသမျ ဟဲ့ꩻပိဋက။

• လိတ်စောင်ႏမန်ႏသမျ၊ ပိဋက၊ အိန္ဒိယ ဖန်ဒျာႏနော။

လိတ်စောင်ႏမန်ႏသမျနဝ်ꩻ လိုꩻအိန္ဒိယဟဲ့ꩻပိဋက။

• လောကီꩻကျံꩻအာ၊ ငေါဝ်းကပါ၊ မဲဉ်ႏထွာ ထင်းမွိုန်းနော။

နဝ်ꩻမꩻ လိတ်ကို ပါအတွိုင်ꩻနေးနဝ်ꩻစားငါႏတဲ့ တွမ်ႏထင်းငါႏမွိုန်း။ ကောပ်ပွိုးတမုဲင်ꩻ လိတ်ကိုယဟန်ႏ တဲမ်းပဆိုးပဆားထာꩻတဲ့အဝ်ႏ။ နဝ်ꩻမꩻ ငေါဝ်တယွို့ဖုံႏ၊ ကာတွန်းဖုံႏနဝ်ꩻ၊ ကာတွန်းဖုံႏ ငေါဝ်းတယွိုꩻဖုံႏ အွိုနေးနဝ်ꩻစားနဝ်ꩻ မဲဉ်ႏလဲဉ်း၊ ယံလဲဉ်း၊ ကျလဲဉ်း အွိုနေးနဝ်ꩻစားတဲ့ တွမ်ႏထင်းငါႏမွန်းတဲ့ အွိုလꩻလဲဉ်း။

ဗွေႏဆရာႏတောႏစန္ဒာဝရ (စန္ဒာရာမအလိုႏတောႏဗွေကျောင်ꩻ)

ပအိုဝ်ႏဓမ္မကထိကသွဉ်တန်ꩻကို ကချꩻဒါႏအတွိုင်ꩻ ခွေသွဉ်းတဲမ်းထန်ႏချာဒျာႏဩ။

🙏🙏🙏🙏🙏

ဗွေႏပညာဝရ

မဉ်နာႏနေးအငေါဝ်းတဲ့နိပ်