အဏိမာဘုန်ႏတောႏအလုဲင်း

 အဏိမာဘုန်ႏတောႏအလုဲင်း

အဏိမာကရိုနဝ်ꩻ အွဉ်ႏထိုꩻမားနမ်းနဝ်ꩻသနဲ့။ အွဉ်ႏထိုꩻမားနွောင်ꩻနမ်း။ အွဉ်ႏထိုꩻမားနွောင်ꩻနမ်းဘုန်ႏတောႏနဝ်ꩻ အဏိမာဘုန်ႏတောႏ။ မဉ်ႏထွာဂွုဏ်ႏတောႏ(၉)ပါꩻကိုနဝ်ꩻ ဘဂဝါဂွုဏ်ႏတောႏ။ အွဉ်ႏထိုꩻမားနွောင်ꩻနမ်းခန္ဓာႏ။ မဉ်ႏထွာဂွုဏ်ႏတောႏ(၉)ပါꩻကိုနဝ်ꩻ ထွာဘဂဝါဂွုဏ်ႏတောႏ။ မဉ်ႏထွားနဲင်း ဘုန်ႏတောႏ(၈)ပါꩻကိုနဝ်ꩻ အဏိမာဘုန်ႏတောႏတဲ့။

1. ပထမဒျာႏ၊ ဈာန်ႏရပ်ရာႏ၊ ဗျဟ္မာႏ မဉ်ꩻဗက။
2. တံꩻခိုႏတန်ငါႏ၊ ဝွေꩻနမ်းဒျာႏ၊ မယ်ꩻဒျာႏ ထင်းသေꩻက။
3. ဝွေꩻဖန်ဆင်ꩻဒျာႏ၊ သတ္တဝါႏ၊ ရပ်ရာႏတဲ့ ပေါႏလꩻ။

ပထမဈာန်ႏဘွုံႏကိုကအဝ်ႏဒါႏ ဗကဗျဟ္မာႏ။ ခလားဘုရာꩻကပွင်ꩻနဝ်ꩻတဲတဲ့ ဝွေꩻအဝ်ႏဒျာႏစတုတ္ထဈာန်ႏဘွုံႏတဲ့။ အဝ်ႏစတုတ္ထဈာန်ႏဘွုံႏတွော့ꩻ အသက်တန်ꩻ၊ အ, ကုသိုလ်ႏကွဲလို့ကွဲလို့တွော့ꩻ အဝ်ႏစတုတ္ထဈာန်ႏတွော့ꩻ ခန္ဓာႏပြောင်ꩻ လင်ꩻကွတ်တတိယဈာန်ႏ။ အဝ်ႏတတိယဈာန်ခန္ဓာႏပြောင်ꩻ လင်ꩻကွတ်ဒုတိယဈာန်ႏဘွုံႏ။ အဝ်ႏဒုတိယဈာန်ႏဘွုံႏခန္ဓာႏပြောင်ꩻ လင်ꩻကွတ် ပထမဈာန်ႏဘွုံႏ။ အခန္ဓာႏကပြောင်ꩻနဝ်ꩻ အဗွေႏတသေချာတဝ်ႏအနမ်းတဲ့။ အကသီသွူꩻနဝ်ꩻ ချံꩻသာႏငါႏလွဉ်ꩻနဝ်ႏသနဲ့။ ဗွဉ်နုဲင်းရဟန်ꩻအွိုးဘုရာꩻစိုး အဝ်ႏအုံလင်ꩻတပန်းအားထုတ်တရာꩻသီစွော့ꩻ အနမ်ႏခန္ဓာႏနဝ်ꩻ ထင်ႏအဝ်ႏလဲဉ်းသွူအွိုးတာဝတိံသာႏ ကျောင်းကားအဗွေႏသီလဲဉ်းတဲ့ အဗွေႏတဲ့တသေချာတဝ်း။ အွိုနေးနဝ်ꩻစား။ ဝွေꩻကအဝ်ႏအွိုးစတုတ္ထဈာန်ႏ လဲဉ်းလင်ꩻ တတိယ၊ ဒုတိယ၊ ပထမ ကပြောင်ꩻခိန်ႏတဲ့ ကွပ်ပွိုးအထာꩻသီနဝ်ႏချံꩻသာႏငါႏလွဉ်ꩻတွော့ꩻ အဗွေႏသီလဲဉ်းနေးနဝ်ꩻတဲ့အဗွေႏတဲ့တသေတဝ်းတဲ့။ အဗွေႏတွိုႏလဲဉ်းသွူ ပထမယဈာန်ႏဘွုံႏ လင်ꩻကွတ်လဲဉ်းသွူအွိုးနဝ်ꩻကိုတဲ့ အဗွေႏတဲ့တသေချာတဝ်း။ ဘုရာꩻစွုံႏပွင်ꩻခိန်ႏနဝ်ꩻ ဝွေꩻအဝ်ႏလဲဉ်းသွူ ပထမဈာန်ႏဘွုံႏ။ အဝ်ႏနဝ်ꩻတွော့ꩻ သက်တန်စွုံႏဆွာꩻတမွိုꩻတမာꩻငါႏတဲင်တွော့ꩻ ဘုန်ႏတန်ႏခိုꩻတဲ့သန်းတန် နဝ်ႏ ဝွေꩻထင်းချာဒျာႏဝွေနမ်းတသီတဝ်းဒွုမ်၊ ထင်းဒျာႏဝွေꩻနမ်းနဝ်ꩻအတည်ႏမယ်ꩻ အထာꩻယူႏမာႏထာꩻနေးနဝ်ꩻစားနဝ်ꩻပွောႏ။ နဝ်ꩻလွုမ်ꩻတကာႏတဝ်းတဲ့-

1. ဝွေꩻဖန်ဆင်ꩻဒျာႏ၊ သတ္တဝါႏ၊ ရပ်ရာႏတဲ့ပေါႏလꩻ။

သတ္တဝါႏအလင်ဖုံႏနဝ်ꩻသီဗာႏ။ ကပေါႏလွဉ်နဝ်ꩻ ခွေဖန်ဆန်ꩻဒျာႏ။ ခွေမဉ်ႏတဖန်ဆင်ꩻတဝ်းနဝ်ꩻ ဝွေꩻသီတငါလဲဉ်း။ ကွပ်ခွေဖန်ဆန်ꩻတွော့ꩻ ဝွေꩻဆဲင်ꩻကွတ်ဗာႏ အထာꩻယူႏမာႏနဝ်ꩻပေါႏ။ နဝ်ꩻမꩻလိုခမ်းကပေါႏတဲ့နဝ်ꩻ ဗျဟ္မာႏခမ်းကပေါႏတဲ့နဝ်ꩻ ခွေဖန်ဆင်ꩻဒျာႏ အထာꩻယူႏမာႏနေးနဝ်ꩻစားပေါႏတဲ့။ စွုံႏပေါႏတွော့ꩻ ခြုဲင်းနယ်အဗျဟ္မာႏပေႏဖုံႏနဝ်ꩻသနဲ့ꩻ ဗျဟ္မာႏကပေါႏဆုဲင်ꩻဖုံႏနဝ်ꩻ။ သီကလွဉ်ကွတ်ဗျဟ္မာႏခမ်းနဝ်ꩻ ခွေဖန်ဆင်ꩻဒျာႏကွို့ꩻ ခွေမဉ်ႏဖန်ဆင်ꩻတဝ်း သီအမျိုꩻပေါႏနဲ့။ သီကအုံဗျဟ္မာႏခမ်းတဲ့ ခွေဖန်ဆင်ꩻဒျာႏကွို့ꩻ ရိုꩻနယ်ဗျဟ္မာႏပေႏဖုံႏ။ နဝ်ꩻမꩻဗျဟ္မာႏပေႏဖုံႏတဲ့ထင်းအမဲဉ်ႏနဝ်ꩻသနဲ့။ 

1. နီကပေါႏဗာႏ၊ နီဆရာႏ၊ ဗျဟ္မာႏ ဖန်ဆင်ꩻမꩻ။
2. တပဲ့ꩻဗျဟ္မာႏ၊ ထင်းဆရာႏ၊ ယံငါႏဖန်ဆင်ꩻလꩻ။
   

နောႏ ဗျဟ္မာႏကထင်ႏကွတ်ဆုဲင်ꩻဖုံႏနဝ်ꩻ ကွတ်ကွတ်ဆုဲင်ꩻ သမ်းသီရီးချင်၊ ကွတ်ကွတ်ဆုဲင်ꩻ သီးရီးချင်။ နဝ်ꩻမꩻ ထင်းတန် ဗကဗျဟ္မာႏကဒေါ့ꩻအတွိုင်ꩻ။ ဪ နီကပေါႏဗာႏထာꩻဗျဟ္မာႏခမ်းနဝ်ꩻနဝ်ꩻ နီဆရာႏဗကဗျဟ္မာႏဖန်ဆင်ꩻဒျာႏ။ တပဲ့ꩻဗျဟ္မာႏဖုံႏတဲ့ ထင်းတန်အဆရာႏ အဆရာႏဖန်ဆင်ꩻဒါႏနဝ်ꩻသနဲ့။

1. ဘုရာꩻသေဒျာႏ၊ ထင်ႏထေ့ဗာႏ၊ ဗျဟ္မာႏ မဉ်ꩻဗက။

ဗကဗျဟ္မာႏကယူႏဒါႏ ထာꩻယူႏမာႏနဝ်ꩻ ဘုရာꩻအဝ်ႏသေ ခွေမဉ်ႏတထင်ႏကယ်ႏတဝ်းမဲ့ꩻ အမဉ်ႏသီယင်းတလဲင်ႏမဲ့ꩻ အလင်ꩻကွတ်းငါးရုဲင်ꩻခမ်း နောႏ။ အမဉ်ႏသီယင်းတလဲင်ႏမဲ့ꩻ ငါးရုဲင်ꩻတဲတဲ့ ဗျဟ္မာႏတတွိုႏသွူးတဝ်း။ အမဉ်သီယင်းတလဲင်ႏတဲ့ အလင်ꩻကွတ်လိုꩻ လိုꩻသက်တမ်ꩻဒွောင်ႏ တွိုႏနဝ်ꩻမဲ့ꩻ အသီပေႏအသီဆားထာꩻမဲ့ꩻ လင်ꩻကွတ်ငါးရုဲင် ဘုရာꩻအဝ်ႏထီႏ။ ခွေထင်ႏကယ်ႏကမꩻ ဘုရာꩻထင်ႏထေ့ ထင်ႏဟော်ꩻဖေႏတရာꩻ။ ဒေါ့ꩻနုဲင်းမုဲင်ꩻဗက နာꩻထာꩻယူႏမာႏလဲဉ်း နာꩻနမ်းတည်ႏမယ်ꩻကရိုꩻနဝ်ꩻတဲ့ တမွေးတဝ်း။ နာꩻကထင်ႏကွတ်စနဝ်ꩻ အဝ်ႏဒျာႏစတုတ္ထဈာန်ႏဘွုံႏ နောႏ။ နာꩻကုဲင်းကွတ်လလ, ကွတ်ကွတ်လလ ယိုခါတွိုႏလဲဉ်း ပထမဈာန်ႏဘွုံႏ နောႏ။ မွေးတဝ်း ခွေတသီဒါႏတဝ်းထာꩻ၊ ခွေနဝ်ꩻတည်ႏမယ်ꩻဒျာႏ ဒေါ့ꩻချာနေးနဝ်ꩻသနဲ့ နောႏ ဘုရာꩻဟော်ꩻဖေႏ အနိစ္စ၊ ဒုက္ခ၊ အနတ္တ ဝွေꩻတယွုမ်းတဝ်း။ ပွိုးတမုဲင်ꩻ အသက်တမ်ꩻ ဆွာꩻလွဉ်ꩻထာꩻ၊ အဘုန်ႏကံႏတန်လွဉ်ꩻထာꩻ နောႏ။

1. ဗျဟ္မာႏယွုမ်းတောဝ်း၊ ဘုရာꩻငေါဝ်း၊ ဒေါ့ꩻကောဝ်းကွီပြဲင်ႏက။

ဘုရာꩻစွုံႏထင်ႏဟော်ꩻတရာꩻတွေ့ာꩻ တမွေးတဝ်း ဘုရာꩻငေါဝ်းခွေတယွုမ်းတောဝ်း နီပြဲင်ႏလို့ဝင်ꩻနဲ့ နာꩻမဉ်ႏကျတဲ့။ ကွီပြဲင်ႏလို့ဝင်ꩻ-

1. ဘုရာꩻခွင်ꩻဒျာႏ၊ သင်ꩻဗျဟ္မာႏ၊ ပြဲင်ႏဗာႏ ပါꩻမုဲင်ꩻကျ။

ပေါႏနေးနဝ်ꩻတဲ့ နာပြဲင်ႏရီးဟုဲင်း နာꩻခမ်းက၊ နာꩻနယ်ႏက၊ နာꩻဘွုံႏက မဲ့ခွေပြဲင်ႏဆုဲင်ꩻ။ ရေႏအွဉ်ႏထွုမ်ႏမားအနမ်းတဲဝါး ထိုꩻမားလꩻတဝ်းက။ ဗကဗျဟ္မာႏရေႏအွဉ်ႏထိုꩻမားအနမ်း အွဉ်ႏထိုꩻမားအနမ်းလꩻတဝ်းတဲ့။ ပွိုးတမုဲင်ꩻ အဘုန်ႏတန်ခိုꩻတန်ကယ်ဝွေꩻဘုရာꩻပေါႏလွဉ်နဝ်ꩻက ပြဲင်ႏဘုရာꩻ အွဉ်ႏထိုꩻမားအနမ်း အွဉ်ႏထိုꩻမားနေးမုဲင်ꩻမုဲင်ꩻလꩻတဝ်း နောႏ။ ထွားဗွော့ꩻ ပိလိဏ္ဍဝစ္စမထေရ်ႏနဝ်ꩻ ခါးလားဘုရားကပွင်ꩻနဝ်ꩻ ပျꩻအဘုန်ႏတန်ႏခိုꩻဖုံႏ ဘုရာꩻစွုံႏပွင်ꩻတွေ့ာꩻ ပျꩻလꩻတဝ်းဒွုမ်။ နဝ်ꩻမꩻ မဟာဂန္ဓာရီကအဝ်ႏဒါႏအရပ်နဝ်ꩻ စူဋ္ဌဂန္ဓာရီပျꩻတန်ႏခိုꩻတလꩻတလꩻတဝ်း အကဒေါ့ꩻနေးနဝ်ꩻ။ ယိုတဲ့ ဗကဗျဟ္မာႏခမ်းသူꩻနဝ်ꩻ အတန်ကယ်ꩻဝွေꩻတအဲဉ်ထောဝ်းဒွုန်းခိန်ႏနဝ်ꩻ ဝွေꩻအွဉ်ႏထိုꩻမားနမ်းလꩻ။ တန်ကယ်ꩻဝွေꩻဘုရာꩻစွုံႏပေါႏတွော့ꩻ အွဉ်ထိုꩻမားနမ်းလꩻတဝ်းဒွုန်။

1. ခွန်တန်ဗျဟ္မာႏ၊ ဗကဒျာႏ၊ သွုမ်ꩻဗာႏ စောဝ်းဗုဒ္ဓ။

အွဉ်ႏထိုꩻမားနမ်းစွုံႏလꩻတဝ်းတွော့ꩻ ဘုရာꩻရိုꩻ ပေါႏနေးနဝ်ꩻတဲ့ ကုဲင်ခွေခဲ့ꩻလဲ့ꩻ ထွားဟုဲင်းခွေအွဉ်ႏထိုꩻမားနမ်းယို ဘုရာꩻအွဉ်ႏထိုꩻမားအနမ်း။ ဗျဟ္မာႏ ထွုမ်ႏ မွော့ꩻတဝ်းတဲ့ ၃၁ ဘွုံႏ လယ်ႏထွုမ်ႏမွော့ꩻတဝ်း။ နာꩻလွင်းထိုꩻလဲဉ်းယင် ဂေါတမ ခွေထွုမ်ႏနာꩻမွော့ꩻတဝ်းယို။ ဘုရာꩻအွဉ်ႏသင်ႏအငေါဝ်းဗွော့ꩻဝွေꩻထျꩻ။ ခွေတလွင်းတဝ်း ခွေအဝ်ႏဗွော့ꩻနာꩻထျꩻယို။ အွဉ်ႏသင်ႏအငေါဝ်း ထွုမ်ႏသမ်းတမွော့ꩻတဝ်း။ ခွေသွုမ်ꩻလဲဉ်း ပေါႏနေးနဝ်ꩻတဲ့ ပျနယ်ခန်းနာꩻနမ်းနဝ်ꩻ။ နဝ်ꩻမꩻဘုရာꩻပျꩻနယ်အနမ်း  နောႏ။ အွိုနဝ်ꩻ ဘုရာꩻအွဉ်ႏထိုꩻမားနမ်းကဒါႏနဝ်ꩻ အဏိမာဘုန်ႏတောႏ နောႏ။ အဏိမာဘုန်ႏတောႏ နဝ်ꩻမꩻ အရေꩻမဉ်ႏပေါႏတနီꩻခါꩻ နီဗွေႏသီး အွဉ်ႏထိုꩻမားနမ်းဖေႏကဒါႏနဝ်ꩻသနဲ့ ဂွုဏ်ႏတောႏယိုနဝ်ꩻတဲ့ အဝ်ႏလိုႏပွာꩻ၊ အဝ်ႏလိုꩻရွစ် နောႏ။ ဂွုဏ်ႏတောႏယိုတဲ့ အဝ်ႏလိုႏပွာꩻအဝ်ႏလိုꩻရွစ်။ ရွစ်နေးမုဲင်ꩻ-

• အွဉ်ႏထိုꩻမားဒါႏ၊ နမ်းခန္ဓာႏ၊ ယံငါႏ ဗွေႏဘုရာꩻ။
• အွဉ်ႏထိုꩻမားဒါႏ၊ နမ်းခန္ဓာႏ၊ ယံငါႏ ဗွေႏဘုရာꩻ။

ပွာꩻ...။ မင်ꩻတုန်ꩻစိုးတဲ့ ခွန်တန်မင်ꩻတုန်ꩻအလီꩻပေႏစွုံႏအဝ်ႏတွော့ꩻ ရက်ငါႏအလီꩻပေႏ။ အဝ်ႏအွိုး တခြိုꩻအမျာꩻပြဲင်ႏ၊ ခမ်းထီပြဲင်ႏ ရွဉ်ဘဏ္ဍာႏကို အွဉ်ႏမာꩻဖေႏအလီꩻပေႏ တွေခံꩻ။ အဝ်ႏနဝ်ꩻတွော့ꩻ ယောမင်းကြီးဦးဖိုးလှိုင် ထွိုင်ႏထောက် လꩻတောဝ်းဗွေႏ မဉ်ႏမဉ်မာꩻဖေႏနီဗွေႏလီꩻပေႏ တွေခံꩻတဲ့ ထေဒျာႏနီရွဉ်တွော့ꩻမာꩻဟုဲင်း ထေနုဲင်ငံႏဘဏ္ဍာႏတောႏ လꩻတဝ်း ရိုꩻနေးနဝ်ꩻ။ နဝ်ꩻတွော့ꩻ သꩻလျားဦးဖိုးလှိုင်။ ယောမင်းကြီးဦးဖိုးလှိုင်ကရိုꩻနဝ်ꩻ အမတ်ချုတ်။ နာꩻကျငါႏနေးမုဲင်ꩻ ယောမင်းကြီးဦးဖိုးလှိုင် ရွဉ်ဘဏ္ဍာႏတဲ့ ခွေထွုမ်ႏဒျာႏမွေးတဝ်းနဲ့ နိုင်ငံႏတောႏဘဏ္ဍာႏတဲ့ခွေထွုမ်ႏဒျာႏ၊ ခွေရွဉ်တဲ့ခွေထွုမ်ႏဒျာႏ နာꩻမွော့ဒေါ့ꩻကျထာꩻနဝ်ꩻ။ ဖေႏစွဉ်ႏအစဲ့ꩻအမိဉ်း ဆွမ်ꩻဟုဲင်း၊ မာꩻသီဟုဲင်း ဦးဖိုးလှိုင်နဝ်ꩻ။ သက်ကဖေႏအမိဉ်း ဦးဖိုးလှိုင်တဲ့ လွင်းထန်ႏ။ အဝ်ႏအစီꩻအဝွေꩻကိုလွင်းထန်ႏ နောႏ။ လွင်းထဲင်းသူႏသေတဝ်းဒွုမ်တွော့ꩻ လွေꩻအုံအွိုး ယိုခါမန္တလေꩻကောင်ထျꩻ ကျောက်တော်ကြီးဘုရား လွေꩻအုံကျောက်တော်ကြီးဘုရားကိုတွော့ꩻ အုံထွိုင်ႏ,အုံရောင်ꩻထာꩻထွန်ႏနေးယိုစား အုံထိုင်ႏ,အုံရောင်ꩻထာꩻထွန်ႏ ရွစ်(၂၄)ပစ္စေꩻတဲ့ ဟေတုပစ္စယော၊ အာရမ္မဏပစ္စယော ရွစ်ခူလဉ်ꩻခူပြန်ႏ။ စဲ့ꩻသားဖုံႏနဝ်ꩻ ခွုမ်လွဉ်စွဉ်ႏ တနတ်ဖုံႏ၊ နꩻဖုံႏ၊ ဗင်ဖုံႏ လွဉ်ထွုမ်ႏဘုရာꩻဝပ်ကို ထီႏတဝ်းဝွေꩻတဲ့။ ဝွေꩻအုံပယ်ထာꩻထွန်ႏ ဝွေꩻအဝ်ႏထီႏ စဲ့ꩻသားဖုံႏ။ စဲ့ꩻသားဖုံႏထီႏတဝ်းဝွေꩻတဖြာꩻဖြာꩻ။ နဝ်ꩻနဝ်ꩻ ရွစ်ဟေတုပစ္စယောရိုꩻနဝ်ꩻက နောႏ။ နဝ်ꩻနဝ်ꩻယောမင်းကြီးဦးဖိုးလှိုင်စိုး။ အွိုနဝ်ꩻ နေးနဝ်ꩻစားဖုံႏနဝ်ꩻအဝ်ႏ နောႏ။ ယောမင်းကြီးဦးဖိုးလှိုင်စိုး ရွစ်ဟေတုပစ္စယောတွေ့ာꩻအုံပယ်ထာꩻထွန်ႏတဲ့။ အဝ်ႏနဝ်ꩻစဲ့ꩻသားဖုံႏထွုမ်ႏစွုံႏတမွော့ꩻတဝ်း စဲ့ꩻသားဖုံႏစွုံႏလဲဉ်းညာꩻတွေ့ာꩻ ဝွေꩻသဲင်ꩻခွဉ်းဝွေꩻလမ်း။ သဲင်ꩻဗေင်ႏ။ နုဲင်းမွူးရဝ်ꩻ ဟော်ခံꩻသꩻစွုံႏပြေႏတွော့ꩻ အွဉ်ႏလယ်ႏထွုမ်ႏယင်းမꩻ ကွဲမွော့ꩻဝွေꩻ နောႏ။ စွုံႏမွော့ꩻတွော့ꩻ အူးအမတ်တန် ခွေတောင်ꩻပြန်ႏဒျာႏနာꩻ မဟာနီꩻတရာ ခွေမာႏထိုꩻလဲဉ်း နောႏ။ ကားကားနဲ့ ခွေထွုမ်ႏနာꩻတမွေ့ာꩻတဝ်း မဉ်ႏမွေ့ာꩻနဝ်ꩻ မာꩻသီလဲဉ်းသွူနာꩻ။ ဒေါ့ꩻနုဲင်းနဝ်ꩻ။ အဝ်ႏနဝ်ꩻမꩻ တယ်ႏနဝ်ꩻမာꩻငါ ပေါႏခွေထေအမိဉ်းတဲ့ တလဲင်ႏချင်ꩻ အမိဉ်းကမာꩻသီထွဉ်ႏဆွမ်ꩻနေးယိုစားဖုံႏနဝ်ꩻ သီစွုံႏဆွမ်ꩻမွေ့ာꩻဟုဲင်း ခွန်ဟော်ခံꩻတောင်ꩻပြန်ႏယင်းအမတ် နောႏ။ နဝ်ꩻနဝ်ꩻအွဉ်ႏထိုꩻမားအနမ်းတွမ်ႏ ဟေတုပစ္စယောနဝ်ꩻသနဲ့။ (၂၄)ပစ္စေꩻ အွိုနေးနဝ်ꩻစားဖုံႏနဝ်ꩻ အဝ်ႏဗာႏဖို နောႏ။

ဗွေႏဆရာႏတောႏစန္ဒာဝရ (စန္ဒာရာမအလိုႏတောႏဗွေကျောင်ꩻ)

ယိုနဝ်ꩻ ပအိုဝ်ႏဓမ္မကထိကသွဉ်တန်ꩻကို ဗွေႏဗွန်ကချꩻဖေႏအတွိုင်ꩻ တဲမ်းထန်ႏချာꩻဒျာႏဩ။

ဗွေႏပညာဝရ