တရာꩻဦꩻ / ဖေႏဆုꩻ
ဗွေႏစန္ဒာဝရ(နောင်တဗင်)
တရာꩻဦꩻ/ဖေႏဆုꩻ
ဟန်ႏသနီꩻ
ကောဇားနေင်ႏ ၁၃၈၇-ဗာႏ၊ ဒဲဉ်သံလာဆန်ꩻ ၁၀-နီꩻ
ဝေင်ꩻတန်တောင်ႏကီꩻ၊
ဘုရာꩻဗွာရပ်ကွက်၊ ဟံႏနယ်ႏ ၈ ၊ တဖျူႏဆျာႏရပ်ကို တကာႏအမျာꩻ ခိုခိုမူႏမူႏ၊
ပေႏပေႏတန်တန်၊ ဖြားဖြား၊ ဆားဆား ဒုံအန္တရာယ်ႏဖေႏနေးကကင်ꩻ၊ ရပ်သားအမျာꩻ ခြွိုင်ႏသန်ꩻရေꩻ
ဖေႏနေးကဟဝ်၊ လွုပ်ꩻမာꩻဖြေꩻစာကူꩻကား အဆင်ႏဖေႏနေးကပြေႏ၊ ရပ်ရာႏသာႏသနာႏ
ဖေႏနေးကထွန်ꩻကာꩻ၊ ဖေႏနေးကတိုꩻတက် သွန်ႏကိုသꩻဖူꩻ
ယူႏစိတ်ကူꩻလွနုဲင်းနဝ်ꩻပငါပရာထွူတဲင်
ရဲဉ်ꩻဒုံ
မာꩻကုသိုလႏအနေႏ ဗွေႏမျတ်ဘုရာꩻအွဉ်ႏအထျꩻ ပင်ꩻကျွꩻလွဉ်ဗွေႏရဟန်ꩻသံဃာႏ ကပ်လူႏဆွုမ်ႏ
ဒဲဉ်သွမ်ꩻအိုသွမ်ꩻ၊ ပါတွမ်ႏခဲဖွယ် ထီလွုမ်ꩻထီခွꩻ၊ ကကျွꩻလွဉ်ဒါႏ လစ်ꩻဖဲ့ꩻ သွစ်ရပ်
ပွယ်ꩻကျွꩻပရိသတ်တဲ့ စာႏဂဆွုမ်ႏပါ ဒဲဉ်ဟန်ႏအာႏဟာရ မာꩻလွေꩻကုသိုလ်ႏအခိန်ႏကာႏလ။
အမျတ်သွတ်ꩻကထွာ
ဘုရာꩻရတနာႏ၊ အမျတ်သွတ်ꩻကထွာ တရာꩻရတနာꩻ၊ အမျတ်သွတ်ꩻကထွာ သံဃာႏရတနာႏ လောကို အမျတ်သွတ်ꩻ
ရတနာႏယိုသွံပါꩻ တကာႏခိုမူႏသီး စူနီပင်ရွမ်းဗူႏ နေးတွမ်ႏကာယကံကုသိုလ်ႏစေတနာႏ၊
ရွစ်ငေါဝ်းဩကာသ သွိုသွိုငီႏငီႏ နေးတွမ်ႏဝစီကံႏကုသိုလ်ႏစေႏတနာႏ
ရိုႏသေႏဗာႏကန်းတော့ꩻဗာႏ သꩻရေꩻနိစ်သက်၊ လူႏဗာႏတန်ꩻဗာႏ သꩻရေꩻနိစ်သက်၊
နေးတွမ်ႏမနော်ꩻကံႏ ကုသိုလ်ႏစေႏတနာႏ၊ မာꩻဗာႏဝေယျာဝဇ္ဇကုသိလ်ႏဖုံႏတဲင် သꩻရေꩻနိစ်သက်၊
နေးတွမ်ႏ မနော်ꩻကံႏကုသိုလ်ႏစေႏတနာႏ ကုသိုလ်ႏကံႏစေတနာႏနုဲင်းယို
အမျိုꩻမျိုꩻအကျိုꩻဖေႏတဲင်
တယ်ႏဟန်ႏနီꩻမာꩻငါ
တယ်ႏခိန်ႏခါယိုခါမာꩻလွေꩻ ဘေႏရန်ႏအန္တရာယ်ႏကားကအဝ်ႏတဲ့နောဝ်ꩻ၊
ရေားဂါႏကားကအဝ်ႏတဲ့နဝ်ꩻ ဖေႏနေးကလီ၊ ဖေႏနေးကပြဲင်၊ ဖေႏနေးကငက်၊ ဖေႏနေးကကင်ꩻ၊
ခြိုင်ႏသန်ꩻရေꩻတဲ့ ဖေႏနေးကဟဝ် နမ်းသꩻနီပါ ဖေႏနေးကချံꩻသာႏ၊ စေႏစိန်ꩻဥစ္စာႏဖုံႏ
ဖေႏနေးကလွန်း၊ ဖေႏနေးကလွို၊ နဝ်ꩻမꩻ အဆင်ႏအရန်း ဖေႏနေးကအုံဗာႏထိုထို
တသေႏတေသႏပငါပရာ၊
ကထိန်းထံꩻဗာႏလွꩻဒါႏ
နမ်းခန္ဓာႏတာႏဝွန်ႏ၊ ကထိန်းထံႏဗာႏလွꩻဒါႏ လမ်းပါႏဂေဟာတာႏဝွန်ႏနဝ်ꩻရာꩻ၊
ကထိန်းထံႏဗာႏလွꩻဒါႏ ရပ်ရာႏဒုံဆောင်ႏ ဘာႏသာႏသာႏသနာႏ တာႏဝွန်ႏထာꩻမာꩻဖုံႏတဲ့
အောင်ႏအောင်ႏမျင်ႏမျင်ႏ ဖေႏနေးကခွုမ်စံႏ၊ ထိန်ꩻထံႏဒျာႏသွော့ꩻဝင်ꩻ ပငါပရာꩻ၊
သွန်ႏကိုသꩻဖူꩻ ကမဉ်လꩻကကော့ꩻမောင်ꩻလွꩻဒါႏ ခြွိုင်ႏခြွိုင်ႏသန်ꩻသန်ꩻ, ချံꩻချံꩻသာႏသာႏ၊ မဂ်တရာꩻ, ဖိုလ်ႏဉာဏ်ႏ
နိဗ္ဗာန်ႏချံꩻသာႏသူꩻ ယိုꩻယိုꩻသာႏသာႏ မွိုင်မွိုင်ကြိုင်ကြိုင် ဖေႏနေးကလꩻ, ဖေႏနေးကတွိုႏဗာႏခန်းဝင်ꩻ ပငါပရာꩻကွိုꩻနဲ ကောကကန်းတော့၊ လူႏတန်ꩻ၊
ရိုႏသေႏဒါႏ တကာႏခိုမူႏသီးယာဟွေး။
Comments
Post a Comment