စာတမ်းတဗာႏ ဖေႏကယံ

ကျန်ႏမာႏရေꩻစာတမ်း ဗွန်နောင်တောင်ꩻ သွုံꩻသပ်ချက်

နီဗွေႏဘုရာꩻအနယ်ꩻနဝ်ꩻ အယံသွတ်ꩻ

ကျန်ႏမာꩻရေꩻ တွမ်ႏ ဘုရာꩻအနယ်ꩻ။ နဝ်ꩻတွေ့ာꩻ ယိုနဝ်ꩻနဝ်ꩻ အွိုးဗွေႏဘုရာꩻပဉ်ႏစောဝ်းအနယ်ꩻနဝ်ꩻ အဟဝ်သွတ်ꩻ။ နဝ်ꩻတဲတဲ့ ကမ္ဘာႏလောကအလောင်းယိုတဲ့ အဟဝ်သွတ်ထွူလဲဉ်းဒျာႏရင်ꩻ။ ကမ္ဘာႏအလောင်းတမွေးတဝ်းဒွုမ် ၃၁ ဘွုံႏကို နီဗွေႏဘုရာꩻအနယ်ꩻနဝ်ꩻ အဟဝ်သွတ်ꩻ။ နဝ်ꩻတွော့ꩻ ပွိုးတွမ်ႏ ကျန်ႏမာႏရေꩻဖဲ့ꩻဆဲင်ႏရာꩻကရိုꩻဒါႏ သꩻဖဲ့ꩻဆဲင်ႏရာꩻကျန်ႏမာႏရေꩻနဝ်ꩻ ကမ္ဘာအလောင်းဟန်ႏသနီꩻနဝ်ꩻ တမုဲင်ꩻတဲ့ တလွမ်ꩻလာꩻနွောင်ꩻတဝ်း။ နဝ်ꩻတွော့ꩻ ဗွေႏဘုရာꩻအနယ်ꩻနဝ်ꩻ လွမ်ꩻလာꩻနွောင်ꩻအီသွူနောႏ။ နီဗွေႏဘုရာꩻအနယ်ꩻနဝ်ꩻ ကိလေႏသာႏလဲင်ꩻ လို့အီစွဉ်ႏအနယ်ꩻ။ အယံသွတ်ꩻအနယ်သနယ်နောႏ။

နာမ်ႏဖဲ့ꩻကျန်ႏမာႏရေꩻအတာႏနဝ်ꩻ ဝိပဿနာႏအယံသွတ်ꩻ

ဒေါ့ꩻခွဉ်းနုဲင်း ရုပ်ဖဲ့ꩻဆဲင်ႏရာꩻတွမ်ႏ နာမ်ႏဖဲ့ꩻဆဲင်ႏရာꩻတဲ့ အဝ်ႏကနီမျိုꩻ။ ရုပ်ဖဲ့ꩻဆဲင်ႏရာꩻကျန်ႏမာႏရေꩻနဝ်ꩻတဲ့ မဉ်ႏထွုမ်ႏနေးတွမ်ႏ နီဗွေႏဘုရာꩻအထျꩻအထောင်ꩻနဝ်ꩻ ဘောဇနေမတ္တညုတာ။ နဝ်ꩻနဝ်ꩻ ရုပ်ဖဲ့ꩻဆဲင်ႏရာꩻကျန်ႏမာႏရေꩻ။ နာမ်ႏဖဲ့ꩻ၊ သꩻဖဲ့ꩻဆဲင်ႏရာꩻကျန်ႏမာႏရေꩻနဝ်ꩻတဲ့ လွေꩻတွမ်ႏဒျာႏ သမထတွမ်ႏ ဝိပဿနာႏဖုံႏ။ မဉ်ႏဒေါ့ꩻယင်း သမထတွမ်ႏ ဝိပဿနာႏမဉ်ႏတဲ့ တွမ်ႏဝိပဿနာႏအနယ်ꩻနဝ်ꩻ အယံသွတ်ꩻ။ နဝ်ꩻနဝ်ꩻ ဗွေႏဘုရာꩻအဟဝ်သွတ်ꩻ ကျန်ႏမာႏရေꩻအနယ်ꩻသနယ်။

ဆရာႏနဝ်ꩻ အွဉ်ႏနယ်တဖူꩻရဲဉ်ႏလွုမ်ꩻ

နဝ်ꩻတွော့ꩻ နီမဉ်ႏသွဉ်ထူႏဗွဉ်တွမ်ႏ ကျန်ႏမာႏရေꩻဖဲ့ꩻဆဲင်ႏရာꩻကရိုꩻနဝ်ꩻ ဟန်ႏသနီꩻမျက်မောက်သွူနောႏ။ ဒေါ့ꩻခန်းနုဲင်း ပအိုဝ်ႏသီး စသွဉ်စနမ်းတဲင်တွော့ꩻ ခွေကရိုꩻဒါႏနဝ်ꩻဟွဉ်ႏ အဆရာႏဖုံႏနဝ်ꩻ ပွိုးတွမ်ႏကျန်ႏမာꩻရေꩻဖဲ့ꩻဆဲင်ႏရာꩻနဝ်ꩻနဝ်ꩻ အစပ်ဆွုံꩻပွုံႏယို၊ အသက်သပ်(အဆက်စပ်)အစားနဝ်ꩻ၊ ယိုခါအထွာနေးယို၊ ယိုခါအထွားနေးနဝ်ꩻ Guideline အွဉ်ႏနယ်ရီးနဝ်ꩻထူတွော့ꩻ။ အဝ်ႏကုဲင်ႏလုဲင်ႏ အချက်အလက် အကတူႏစဲဉ်ႏယိုနဝ်ꩻ အဆရာႏအွဉ်ႏနယ်ဖေႏ။ အဝ်ႏကုဲင်လုဲင်ႏအီႏထွုမ်ႏနဝ်ꩻ ပိုမူႏသီးနဝ်ꩻ ထွုမ်ႏဗာႏ။

စုဗာႏ အချက်အလျက်

ဒေါ့ꩻခန်းနုဲင်း ယဟန်ႏနဝ်ꩻ ဝင်ꩻတယူႏလꩻတဝ်းနဝ်ꩻ နီနဝ်ꩻယူႏလꩻရီး။ ဝင်ꩻတသေတဝ်းဒွုမ်းနဝ်ꩻ နီဖေႏကသေရီး။ ဝင်ꩻတသေနာႏတဝ်းဒွုမ်း နီဖေႏကသေနာႏ။ နီနဝ်ꩻ ထူႏတွမ်ႏမတ်တမ်ꩻ။ ထူႏတွမ်ႏ ယိုခါအခေႏနေႏတွော့ꩻ စုအချက်အလက်နေးနဝ်ꩻစားနဝ်ꩻ မဉ်ႏဒေါ့ꩻဗာႏတဲ့ မဉ်ႏဒင်ႏတဲမ်းနွောင်ꩻ၊ မဉ်ႏဒင်ႏသွင်ꩻနွောင်ꩻနဝ်ꩻ ထွာတွဉ်ႏဒျာႏမတ်တမ်ꩻ။ နဝ်ꩻတွော့ꩻ မတ်တမ်ꩻနေးနဝ်ꩻစားနဝ်ꩻ ဆုဲင်ꩻတနီꩻခါ လိုꩻဆုဲင်ꩻဆုဲင်ꩻ မဉ်ႏဖတ်ဗာႏ မဉ်ႏဟွိုန်ဗာႏတဲ့ ထွာစွဉ်ႏဒျာႏ သမဲင်ꩻအထောက်အထား။ ထွာစွဉ်ႏဒျာႏ မတ်တမ်ꩻအထောက်အထားသနယ်။

ယိုခါနဝ်ꩻနဝ်ꩻ ဒေါ့ꩻခန်းနုဲင်း နီကသေနာႏလဲဉ်းနဝ်ꩻ ဝင်ꩻဖေႏကသေနာႏရွုမ်းနဝ်ꩻ ဒေါ့ꩻနယ်ဗာႏ။ ဝင်ꩻကသေနာႏရီးနီနဝ်ꩻ နီမဉ်ႏလယ်ႏရီတဲ့ꩻ နီနဝ်ꩻသေနာႏရွုမ်း။

အဝ်ႏကုဲင်လုဲင်ႏနီနမ်းနဝ်ꩻနဝ်ꩻ အဝ်ႏလိုႏလုဲင်ႏနေးမုဲင်ꩻနဲတွော့ꩻ ယိုခါခဲ့ꩻခဲ့ꩻ ဝင်ꩻတသေနာႏတဝ်း၊ မဉ်ႏဒေါ့ꩻဗာႏတဲ့ ဝင်ꩻတယူႏလꩻတဝ်းနဝ်ꩻ ဝင်ꩻဖေႏကသေနာႏ၊ ဝင်ꩻဖေႏကယူႏလꩻတွော့ꩻ နီနဝ်ꩻလိုႏထေထန်ႏ၊ ထွုမ်ႏသွူနော။ ထေထန်ႏတွော့ꩻ ထွုမ်ႏ။ ချꩻပျꩻ(ချပြ)နယ်နဝ်ꩻနဝ်ꩻ ထွာမတ်တမ်ꩻ စဲစ်စဲစ်စွဉ်ႏနော။

ဥပမာႏခန်းနုဲင်း ဗုဒ္ဓဘာႏသာႏတွမ်ႏ ကျန်ႏမာႏရေꩻကိစ္စ။ ယိုခါခဲ့ꩻခဲ့ꩻသနယ်နောႏ ဒေါ့ꩻခန်းနုဲင်း ပအိုဝ်ႏဒေႏသကိုနဝ်ꩻ လိုႏပေႏလိုꩻယွဲ အံႏတသီႏ သီထိုꩻကိစ္စမွေးနေႏ။ အံႏတသီႏ သီထိုကိစ္စ။ နုဲင်းယိုစားနဝ်ꩻ မာꩻတမုဲင်ꩻ အံႏတသီႏ။ ကထွာဒါႏ သꩻရောႏဂါႏနုဲင်းယိုနဝ်ꩻ မဉ်ႏလွုမ်ꩻလာꩻနေးမုဲင်ꩻလꩻ။ သꩻရောႏဂါႏယိုနဝ်ꩻ ထွုမ်ႏတွမ်ႏဘုရာꩻအနယ်ꩻနဝ်ꩻ မဉ်ႏလွုမ်ꩻလꩻနေးနဝ်ꩻ လꩻ သနယ်နောႏ။ သဘော်ꩻတရာꩻနဝ်ꩻနဝ်ꩻ ယိုခါအခေႏနေႏ အထွာအကုဲင်နေးနဝ်ꩻစားနဝ်ꩻ ပိုမူႏသီးထွုမ်ႏဗာႏ မွေးနေႏ။ ပိုမူႏသီး ထွုမ်ႏဗာႏ။

သက်သေႏ ဥပမာႏ

ဒေါ့ꩻခန်းနုဲင်း နေင်ႏဟာ။ အွိုးဗိန်ꩻ ချင်ႏကွုံႏနဲ့။ အဖာနဝ်ꩻ ထွဉ်ႏသွတ်ꩻအပိုမူႏဗင်ႏ။ ပထမနဝ်ꩻနဝ်ꩻ ထွဉ်ႏသွတ်ꩻဗင်ႏ။ ထွိုင်ႏသွတ်ꩻတဝ်းတွော့ꩻ အဖာနဝ်ꩻ ထူႏတွမ်ႏဗင်ႏတဲင်တွော့ꩻ ထင်ႏထောက်ꩻအခံႏလမ်းဗေင်ႏ။ နဝ်ꩻတွော့ꩻ အသꩻလျားထာꩻ။ အဟာနဝ်ꩻ အံႏစွဉ်ႏဗင်ႏ နုဲင်းမွူးရဝ်ꩻနဝ်ꩻ သီခန်းဒျာႏ။ နဝ်ꩻနဝ်ꩻ ဒေါ့ꩻခန်းနုဲင်း ဆွိုက်ဆံႏရေꩻကိစ္စဖုံႏ။ အွဉ်ႏသꩻကိစ္စဖုံႏ မွေးနေႏ။ ယူႏပွုံႏစံꩻဖုံႏ။ ဖြေꩻဆျင်ꩻပျဿနာႏပွုံႏစံႏဖုံႏ နီအီးဖြေꩻဆျင်ꩻတွမ်ႏနေးမုဲင်ꩻလꩻ။ နေးယိုစား ဖေႏကထွာဗာႏမွိုန်းတဝ်း နေးတွမ်ႏဘုရာꩻအနယ်ꩻတွော့ꩻ ဖြေꩻဆျင်ꩻလꩻဒျာႏကရိုꩻနဝ်ꩻ လယ်ႏထွုမ်ႏဗာႏ။

အွိုနဝ်ꩻ မတ်တမ်ꩻအချက်အလျက်နေးနဝ်ꩻစားနဝ်ꩻ ယိုခါဖစ်ပျက်(ဖြစ်ပျက်)ယိုခါနောႏ။ ပိုမူႏတဲ့ သုံသမ်း(စုံစမ်း)ဗာႏ၊ ထွုမ်ႏဗာႏ ကလꩻဒါႏအချက်လျက်နေးနဝ်ꩻစားနဝ်ꩻ နေးတွမ်ႏဘုရာꩻအနယ်ꩻတွော့ꩻ ဆျင်ꩻနယ်ဖေႏ။ နေးတွမ်ႏဘုရာꩻအနယ်ꩻတွော့ꩻ လွမ်ꩻလာꩻနယ်ဖေႏ။ ပေါႏနဝ်ꩻတဲ့ မတ်တမ်ꩻနဝ်ꩻတဗာႏနဝ်ꩻ ထွာစွဉ်ႏဒျာႏ ဆုဲင်ꩻတနီꩻခါ နီကောလိပ်တကာႏတဝ်း။ လိုꩻဆုဲင်ꩻဆုဲင်ꩻတာႏနဝ်ꩻ လꩻစွဉ်ႏဒျာႏ တသီႏနယ်ꩻတဗာႏသနယ်။ ဖြေꩻဆျင်ꩻနယ်ꩻတဗာႏသနယ်။

ကျိုꩻစာꩻထဲင်းယင်း ပိုမူႏတွမ်ႏ ဗွေႏသီး

နဝ်ꩻမꩻ ပိုမူႏသီးလဲ့ သွဉ်ထဲင်းထဲင်း၊ မာထဲင်းထဲင်း၊ ကျိုꩻစာꩻထဲင်းထဲင်း။ ဗွေႏစင်ꩻဖုံႏ၊ ဗွေႏသျင်ꩻဖုံႏတဲ့ နဝ်ꩻနေနေ။ နဝ်ꩻတွော့ꩻ နီနာꩻဖုံႏယိုနဝ်ꩻနဝ်ꩻ ယူႏတွော့ꩻ နာႏ အွဉ်ႏထွူနေးနဝ်ꩻ တမွေးတဝ်း။ ယူႏတွော့ꩻ စဉ်ꩻစာꩻလွဉ်ꩻ မွေးနေႏ။ စဉ်ꩻစာꩻလွဉ်ꩻတွော့ꩻ ဖေႏကဒါႏနုဲင်းနဝ်ꩻ သွဉ်ဒါႏဒါႏသွော့နုဲင်းယိုစား နော။ နဝ်ꩻမꩻ ကျိုꩻစာꩻပိုမူႏ မွေးသွူ။

ဗွေႏဗွန်ရာဇိန္ဒသိရီ (ဗွေႏဗွန်နောင်တောင်ꩻ)

နောင်တောင်ꩻဗုဒ္ဓကောလိပ် စာတမ်းဖတ်ပွယ်ꩻ