ကောလိပ်၊ တက္ကသိုလ်ႏ အထီအသွီႏ

နဝ်ꩻမꩻ ကဒင်ႏပျꩻနယ်ဒါႏ ကျံႏမာꩻရေꩻဖဲ့ꩻဆဲင်ႏရာꩻ ဗွေႏမျတ်ဘုရာꩻတဖူꩻစဲဉ်ႏ အခေါင်းစီးယိုတဲ့ အဝ်ႏလိုႏဆေ့ꩻဆေ့ꩻနောႏ။ ကွဲတွေ့ာꩻ ကဒင်ႏနယ်နုဲင်းယိုတဲ့၊ ကဖတ်နယ်နုဲင်းယိုတဲ့ ယံတန်ဒျာႏနောႏ၊ ယံတန်ဒျာႏ။

အီႏထွာဗာႏ လိတ်တစောင်ႏယိုတဲ့ တယိုꩻတဝ်းနေနေ မွေးနေႏ။ ထွုမ်ႏဗာႏ၊ ကျံႏဗာႏ နဝ်ꩻမꩻ မဉ်ႏဒေါ့ꩻဗာႏနဝ်ꩻနဝ်ꩻ အယံ။ မဉ်ႏဒေါ့ꩻဗာႏတနယ်ꩻနဝ်ꩻ ကောလိပ်အထီအသွီႏ၊ နောင်တောင်ꩻအထီအသွီႏ။ နဝ်ꩻမꩻ နီဗွေႏသီးတဲ့ မတ်ခါꩻဟုဲင်း ခွေသွဉ်းဒေါ့ꩻနယ်တစိꩻ။ နီသွဉ်းသီး စာတမ်းဖတ်ပွယ်ꩻ ကဖတ်ဒါႏလိတ်နေးယိုစားနဝ်ꩻနဝ်ꩻ လိုꩻယယဖြာꩻနဝ်ꩻ အထင်းတောဒျာႏ ထူႏအနောက်တိုင်းတက္ကသိုလ်ႏဖုံႏ၊ အဒေါ့ꩻနယ်ꩻနုဲင်းနဝ်ꩻဖုံႏ နောႏ။ တမွေးတဝ်း အမန်းနဝ်ꩻနဝ်ꩻ ဝွေꩻသီးနဝ်ꩻနဝ်ꩻ ထူထဲင်းနီသွဉ်းသီးအနယ်ꩻ။ မွေးတဝ်းနဲ့။ ဝွေꩻသီးထူႏထဲင်း နီသွဉ်းသီးအနယ်ꩻ။ အွိုးပွိုင်းလဲင်ႏစခါကာႏဒျာႏ ထွားဗွော့ꩻတမုဲင်ꩻ သာသနာလင်္ကာရစာတမ်းဖုံႏနဝ်ꩻ လိတ်အုပ်ပေါႏနဲ့ ပေါႏတဝ်းနဲ့ ပေါႏညလဲဉ်းနဝ်ꩻ မွေးနေႏ။ အွိုနဝ်ꩻမွေးနေႏ။

ကောလိပ်တဲ့ယောဝ်း၊ တက္ကသိုလ်ႏတဲ့ယောဝ်း တက္ကသိုလ်ႏတဖြုံႏ တဖြုံႏ အထီအသွီႏနဝ်ꩻတဲတဲ့ အဓိကနဝ်ꩻနဝ်ꩻ စာတမ်းဖတ်။ နုဲင်းဗွေႏစင်ကထီႏ ဟန်ႏနီꩻနုဲင်းယိုနဝ်ꩻ ထွာပထမအလဲင်ႏ။ ဆုဲင်ꩻဆုဲင်ꩻနဝ်ꩻ ဖေႏနေးကအဝ်ႏသေႏသေႏနောႏ။ ကထီႏဗာႏနုဲင်းဟန်ႏသနီꩻယိုနဝ်ꩻ သꩻရေꩻငါႏ၊ ယံငါႏ၊ ကျငါႏသနယ်နောႏ။

ကတဲမ်းနွောင်ꩻ၊ ကထွာနွောင်ꩻနုဲင်းယိုစားနဝ်ꩻ အမန်ႏနဝ်ꩻနဝ်ꩻ နီသွဉ်းသီးစာတမ်းဖတ်ပွယ်ꩻနဝ်ꩻ နီသွဉ်းသီးပအိုဝ်ႏကိုတဲ့ လွိုးအဝ်ႏဒျာႏပွိုင်းလဲင်ႏကာႏ။ နုဲင်းဗွေႏစင်ꩻသီးကအဝ်ႏပေႏခါခိင်ႏ လိုꩻကထင်ႏဒါႏကျောင်ꩻဖုံႏနဝ်ꩻ လိုꩻဖြားစခါပွိုင်းလဲင်ႏဖုံႏနဝ်ꩻ သွဉ်ဗာႏတဝ်းလိတ်တွော့ꩻ မွူးဟာခိုႏနဝ်ꩻနဝ်ꩻ တဲစ်ꩻမေႏတဲင်ႏ၊ တဲစ်ꩻမေႏလသာနဝ်ꩻတွေ့ာꩻ လိုꩻကဖတ်ဒါႏလိတ်သားနဝ်ꩻ ဖတ်တမုဲင်ꩻ ဖတ်ဖေႏတဝ်းအဘိဓမ္မာႏဖုံႏနဲ့။ နဝ်ꩻတဲ့ မဉ်ႏဒေါ့ꩻဗာႏတဲ့ တမုဲင်ꩻနေနေနဝ်ႏ စာတမ်းဖတ်သနယ်နောႏ။ မဉ်ႏဒေါ့ꩻဗာႏနဝ်ꩻ စာတမ်းဖတ်နေနေ။ နုဲင်းယိုခါ နေးနဝ်ꩻစားနဝ်ꩻ ထွုမ်ႏမားထိုꩻလဲဉ်း။ အဝ်ႏကုဲင်လုဲင်ႏ မော်ဟွိုႏနေးလုဲင်ႏသနယ်နောႏ။ အဝ်ႏကုဲင်လုဲင်ႏမော်ဟွိုႏနေးလုဲင်ႏ။ နဝ်ꩻနဝ်ꩻအလင်သနယ်နောႏ။

နဝ်ꩻမꩻ ယိုနဝ်ꩻနဝ်ꩻ ကျောင်းသားမူႏ၊ ဆရာႏမူႏသီးသနယ်နောႏ ကဖတ်ဒါႏ ကျံႏမာꩻရေꩻဖဲ့ꩻဆဲင်ႏရာꩻ ဗွေႏမျတ်ဘုရာꩻတဖူꩻစဲဉ်ႏတဲ့နဝ်ꩻ ယံဒျာႏနောႏ။ ဗွေႏစင်ꩻသီးတဲ့ မဉ်ႏဒေါ့ꩻဗာႏနဝ်ꩻနဝ်ꩻ လꩻလွဉ်ꩻအနယ်ꩻ၊ ထီႏလွဉ်ꩻနဝ်ꩻသနယ်။

ယံတန်ဒျာႏအကျောင်ꩻ နဝ်ꩻမꩻ စာတမ်းဖတ်ယိုနဝ်ꩻ နီဗွေႏသီး၊ ဗွေႏစင်ꩻသီးဖုံႏ ကားကအဝ်ႏတဲ့ယောဝ်း၊ နီသွဉ်းသီးစာတမ်းဖတ်ယိုနဝ်ꩻ ထွာနီသွဉ်းသီး ကောလိပ်အထီအသွီႏ။ နဝ်ꩻမꩻ စာတမ်းဖတ်နေးယိုစားနဝ်ꩻ မဉ်ႏနုဲင်းခွေသွဉ်းအနေႏနဝ်ꩻနဝ်ꩻ၊ သွဉ်းကထီႏအနေႏနဝ်ꩻ အဝ်ႏလိုꩻအဝ်ႏသေႏသေႏ နောႏ။ တနေင်ႏနဝ်ꩻ နီလဲင်ႏ နီလဲင်ႏဗဲင်းနဝ်ꩻ ယိဉ်းယံယံ။ မွေးတဝ်းနယ်။ မဉ်ႏအဝ်ႏထဲင်း တလာတလဲင်ႏနဝ်ꩻ ယိဉ်းယံယံ။ နုဲင်းခွေသွဉ်းထာꩻယူႏ၊ ခွေသွဉ်းအနေႏနဝ်ꩻ ယိုနဝ်ꩻတက္ကသိုလ်ႏအထီအသွီႏရင်ꩻရင်ꩻ။

နဝ်ꩻတွေ့ာꩻ အဝ်ႏတနယ်ꩻ ဗွေႏဆရာႏတောႏကဒေါ့ꩻဒါႏ နဝ်ꩻဟွဉ်ႏနဝ်ꩻသနဲ့ အဝ်ႏလိုႏတမုဲင်ꩻနဲတဲ့ သုတေသနဆန်ဆန်၊ သုတေသနဆန်ဆန် ဖတ်နွောင်ꩻ၊ တဲမ်းနွောင်ꩻ။ နုဲင်းဗွေႏဆရာႏတောႏကရိုꩻနဝ်ꩻ  နုဲင်းမေတ္တာသုတ် ပတ်သက်တွမ်ႏ မေတ္တာသုတ်ခရာႏနုဲင်းနဝ်ꩻဟွဉ်ႏနဝ်ꩻနောႏ သုတေသနဆန်ဆန် နီအထျꩻအသောင်အရင်ꩻဖုံႏ နေးနဝ်ꩻစားဖုံႏနဝ်ꩻ မဉ်ႏအွဉ်ႏနယ်နွောင်ꩻသက်သေႏ သာဓကစားနဝ်ꩻ ယိဉ်းယံယံအကျောင်ꩻနောႏ။ နဝ်ꩻမꩻ ယိုနဝ်ꩻ ခွေသွဉ်းထာꩻထီႏ၊ ခွေသွဉ်းမတ်ချက်။ နဝ်ꩻတဲ့ အဝ်ႏတခွိုင်းယိုလွုမ်ꩻသနယ်နောႏ။

ဗွေႏဗွန်သုစိတ္တ(နောင်ဗွဉ်ပရဟိတကျောင်ꩻ)

သာႏသနာႏတောႏနေင်ႏ ၂၅၆၇ ဗာႏ၊ ကောဇာႏသက္ကာရာဇ်နေင်ႏ ၁၃၈၅ ဗာႏ၊ ကထိန်းလာလောင်း ၁၂ နီꩻ၊ မွူးနီꩻ စနေႏ။ (၉-၁၂-၂၀၂၃) နောင်တောင်ꩻဗုဒ္ဓကောလိပ်ကို ကမာꩻလွေꩻဒါႏ BA တန်ꩻ စာတမ်းဖတ်ပွယ်ခိင်ႏဩ။

ဗွေႏပညာဝရ

မဉ်နာႏနေးအငေါဝ်းတဲ့လꩻဒျာႏ