စာတမ်းတဗာႏဖေႏကယံ နိဒါန်းမာတိကာခရာႏ
နီဗွေႏကတဲမ်းဒါႏစာတမ်းယို မဉ်ႏအွဉ်ႏပဉ်ထွော့ပဉ်ထွော့နဝ်ꩻ ယိဉ်းယံယံ။ နုဲင်းခဲ့ꩻငါယိုဟွဉ်ႏ နင်ႏယုံခံꩻ ဝွေꩻကဒင်းဒါႏ စာတမ်းနဝ်ꩻ ရေႏရွယ်ႏချက်ပါသနယ်။ နဝ်ꩻထွူ မာတိကာမဉ်ႏပါနဝ်ꩻ နီးသွဉ်းသီး ထွား နီဗွေႏစာတမ်း ခဲ့ꩻငါဖဲ့ꩻတဗီႏတဲ့ စာတမ်းတဗာႏလွုမ်း အီႏဒေါ့ꩻတမုဲင်ꩻနဝ်ꩻ သေသယ်နောႏ။ နဝ်ꩻ ဆုဲင်ꩻတလဲင်ႏသနယ်နော။
နီဗွေႏနဝ်ꩻထွာဒျာႏ BA တန်ꩻ ပထမခင်ႏကာ၊ ပထမသွတ်ꩻအလဲင်ႏတဲ့မွေးမွေး နီဗွေႏကဒင်ႏဒါႏစာတမ်းယို နိဒါန်းကို လိတ်ကတူႏစဲဉ်ႏဖုံႏ ကောပ်တသေတဝ်းတွေ့ာꩻ တဲမ်းပါဗာႏတဝ်းနဝ်ꩻ အထွာဒါႏဒျာႏရင်ꩻ။ နီဗွေႏနဝ်ꩻ သမ်းသွဉ်ထွူႏနမ်းတဲင်တွော့ꩻ ခွေသွဉ်းထောက်ပျနယ်ဗာႏ နီဗွေႏသနယ်။ ဆုဲင်ꩻတလဲင်ႏ မဉ်ႏတဲမ်းနဝ်ꩻ ကအီႏတဲမ်းဒါႏလိတ်ဆငါဖဲ့ꩻယို ကတူႏစဲဉ်ႏဖုံႏ ဖေႏကပါသော့ꩻနိဒါန်းကိုနဝ်ꩻ ယူႏလꩻလꩻသွော့ꩻ၊ တဲမ်းပါသော့နော။
ဦးတည်ချက်နဝ်ꩻတမုဲင်ꩻ မဉ်ႏထွူနဝ်ꩻ အီႏဒေါ့ꩻလွေꩻ ပဉ်ထွော့ပဉ်ထွော့အတာႏ ဒေါ့ꩻခမ်းဥပမာႏ နီဗွေႏကအီႏဒေါ့ꩻဒါႏ ဥပဒေႏ၊ အသောင်ꩻအရင်ꩻအဓိပ္ပါယ်ႏ၊ ကျင်ꩻဝတ်တရာꩻ၊ ဥပဒေႏအင်းမိုးချက်၊ အသောင်အရင်ꩻတွမ်ႏ နီဗွေႏဘုရာꩻကျင်ꩻဝတ် မဉ်ႏထွူနဝ်ꩻ အဆုဲင်ꩻသွတ်ꩻ အွဉ်ႏသက်သေႏ ယိုနဝ်ꩻအီႏခြုဲင်းလွေꩻ ပဉ်ထွော့ပဉ်ထွော့အကျောင်ꩻ နိဒါန်းကိုနဝ်ꩻ မဉ်ႏသော့ꩻပါနဝ်ꩻ သျင်ꩻဩ။
အဝ်ႏနဝ်ꩻမဉ်ႏထွူတဲင် နီဗွေႏစာတမ်းတဗာႏလွုမ်းကိုနဝ်ꩻ နီဗွေႏတဲ့ ကျံႏစယ်ႏ၊ ရေႏရွယ်ချက်ယံယံ တဲမ်းတဲင်တွော့ꩻ အကတူႏစဲဉ်ႏယို ခွေသွဉ်းကသေနာႏနဝ်ꩻ ပေါႏသျင်ꩻတဝ်း။ အကတူႏစဲဉ်ႏတွမ်ႏ စွိုင်ႏတဲမ်းယိုနဝ်ꩻ ထိရောက်မုအဝ်ႏတဲ့အဝ်ႏနေနေ အဝ်ႏလိုꩻတဲ့အဝ်ႏယင်းသနယ်။ အဝ်ႏလိုꩻနေးမုဲင်ꩻနဲတဲင် အသောင်အရင်ꩻနဝ်ꩻအဝ်ႏသွံမျိုꩻက သဘာဝပတ်ဝန်းကျင်အဝ်ႏ၊ လူမုပတ်ဝန်းကျင်အဝ်ႏ၊ လူ့ဖန်တီးမုသဘာဝပတ်ဝန်းကျင်အဝ်ႏ အဆုဲင်ꩻသွတ်ꩻနဝ်ꩻ လူမုယဉ်ကျေးမုဆိုင်ရာပတ်ဝန်းကျင်အဝ်ႏ သမ်းအဝ်ႏသွံဗာႏတွော့ꩻ နီဗွေႏနဝ်ꩻ အကတူႏစဲဉ်ႏလုဲင်းထိုꩻ စွိုင်ႏဒေါ့ꩻစွိုင်ႏခြုဲင်းတဲင် သွံဗာႏယိုနဝ်ꩻ အရောꩻထိုဝင်ꩻတွော့ꩻ အပေါႏသျင်ꩻတဝ်း နဝ်ꩻတချက်။
ဆုဲင်ꩻတလဲင်ႏ ပတ်ဝန်းကျင်တွမ်ႏ သဘာဝအသောင်အရင်ꩻယို ယိုခါ မန်းခမ်းကို လွတ်တောႏကအွဉ်ႏထွော့ခါꩻဒါႏ အသောင်အရင်ꩻဥပဒေႏဖုံႏ၊ မဉ်ႏထွူနဝ်ꩻ နီသွဉ်းသီးမန်းခမ်းကို လိုꩻကျောင်ꩻတယဝ်း၊ လိုလမ်းတယဝ်း ထွာနုဲင်း ကမာꩻဒါႏပုဂ္ဂိုလ်ႏအသောင်အရင်ꩻဖုံႏအဝ်ႏ။ ကကျိုꩻစာꩻဒါႏ ပုဂ္ဂိုလ်ႏအသောင်အရင်ꩻဖုံႏတဲ့အဝ်ႏ။ ဝေꩻသီးလုပ်ဆောင်ချက်နဝ်ꩻတဲ့ မဉ်ႏသော့ꩻပါနဝ်ꩻ ယံ။ အမဉ်ႏတတ်နွိုင်ႏနဝ်ꩻ ထင်ႏကီယင်းတရန်း။ ကမ္ဘာႏအလောင်းကအဝ်ႏထင်ႏသျာꩻဒါႏ ဥပဒေႏတဲ့နဝ်ꩻ၊ နီဗွေႏဘုရာꩻဥပဒေႏယိုတဲ့နဝ်ꩻ နီဗွေႏယို ခွေသွဉ်းစွိုင်ႏထွားနဝ်ꩻ မဉ်ႏထွားနုဲင်းဥပဒေႏငေါဝ်းတဲ့ Civil Law နဲ့ Customary Law နဲ့ Common Law နဲ့ စတဲင်နေးနဝ်ꩻ အကွယ်ꩻတဝ်းသနယ်။ ဆုဲင်ꩻနဝ်ꩻ နီဗွေႏဘုရာꩻဥပဒေႏယိုနဝ်ꩻ မဉ်ႏသော့ꩻတွမ်ႏ သဘာဝအသောင်အရင်ꩻဆဲင်ႏရာꩻနဝ်ꩻ ယံ။
ပတ်သက်ဒါႏ နီဗွေႏဘုရာꩻကဒေါ့ꩻယိုဟွဉ်ႏနဝ်ꩻ ဘူတဂါမနဝ်ꩻတဲ့ ဆဲင်ႏနေနေ။ မဉ်ႏထွူနဝ်ꩻ ကစွဉ်ꩻဒါႏ ခွဉ်ႏပေႏခွဉ်ႏတန်ဖုံႏ၊ ထာꩻအီႏဝေါင်းနယ်ꩻဖုံႏစတဲင်းနေးနဝ်ꩻစားနဝ်ꩻ မဉ်ႏသော့ꩻပါအာအာနဝ်ꩻ ယံ။ တယ်ႏယိုခါ နီသွဉ်းသီး သဘာဝအသောင်အရင်ꩻ အပွိုးဝွို့ဝင်ꩻနေးမုဲင်ꩻ၊ ထွူႏသွုံꩻလꩻနေးမုဲင်ꩻ မဉ်ႏသွုံꩻသပ်နယ်ပါနဝ်ꩻ အယိဉ်းယံယံသနယ်။
အဆုဲင်ꩻသွတ်ꩻနိဂုံးတဲ့ တဲမ်းယင်းဗွော့ꩻ နုဲင်းနိဒါန်း။ ခွေသွဉ်းမဉ်ဖေႏမတ်ချက်၊ ကောမန့်နေးနဝ်ꩻသွူဩ။ နီဗွေႏကျိုꩻစာꩻသွတ်ထဲင်းယင်းနေား။ မွေးသွူဩ။
သာသနာတောႏနေင်ႏ ၂၅၆၇ ဗာႏ၊ ကောဇာႏသက္ကရာဇ်နေင်ႏ ၁၃၈၅ ဗာႏ၊ ကထိန်ႏလာလောင်း ၁၂ နီꩻ၊ မွူးနီꩻစနေႏ။ (၉-၁၂-၂၀၂၃) နောင်တောင်းဗုဒ္ဓကောလိပ်ကို ကမာꩻလွေꩻဒါႏ BA တန်ꩻ စာတမ်းဖတ်ပွဲယို ဗွေႏပဏ္ဍိတ ဖေႏအကျံႏဉာဏ်ႏသွူဩ။
ဗွေႏပညာဝရ
Comments
Post a Comment